صبحكم الله بالخير يالربع
البارحه وانا راد من دبي شي ضرب في الجامه الاماميه
حشره ولا حصا صغيره ولا شو مااعرف بالظبط
المهم سوى شرخ صغير فيها حجمه حجم ربع درهم
خطفت على الصناعيه في شغله سريعه ومريت على محل زجاج وسالته قالولي نبدل لك الجامه الاماميه كامله ب 300 درهم وقابل للتفاوض بالمعقول 
دخلتها الوكاله وخبرتهم عن السالفه وجيكوا على سعرها مع التركيب فوق 6 الاف درهم 
وطبعا مايغطيها الضمان
وسمعت في محلات في الشارجه يقصون لك الجزء البسيط المكسور بطريقه معينه بدون لا تبدل ولا تسوي شي
فاذا حد فيكم يعرف محل زين في الشارجه ولا غيرها ياليت يخبرني عن اسمه ومكانه
وللعلم السياره نوعها بي ام 750
الموتر يديد ياخوي
حتى لو جديم بس الجامه التجاريه خطيره في حاله استوى حادث قوي تتكسر في ويه الواحد لا سمح الله هايج الساعه مابينفع الواحد توفير وبيزات
بس مثل ماقلت ياخوي بعيد عن موضوع السيفتي مشكله تسريب الهوا هاي وارده في حال التجاري
انا كنت ادور عن محل على الاقل ممكن يسكرلي الفتحه بماده معينه عسب ماتزيد وسمعت انها موجوده في الشارجه
لاني بدخل السياره التشيك عقب 4 الاف كيلو فمره وحده اخليهم يبدلونها بدال مااوقفها مرتين
ومشكور اخوي على المداخله
السلام عليكم
شوف الغالي .. لو موترك يديد ركب فالوكاله لأن الوكاله تعطيك ضمان ما يدخل ماي وهوا وشغلهم 100%
ولو جديم ركب تجاري .. و بالفعل فصناعية الشارجه سعر الجامه ما بين 200 الى 300 درهم
بس الي اعرفه الغالي ما تضبط 100% … بتدخل هوا وممكن ماي فالغسيل ويا برشر الماي
و ترا المحلات الي يركبون تجاري يقولك بركب لك صمخ خاص .. الصمغ الأصلي و بزيد 100 و بعطيك ضمان
لو في محل زجاج معروف ويعطي ضمان … وقوله ابا الصمغ الأصلي .. توكل على الله
وربي يوفقك الغالي
سبحان الله وبحمده سبحان الله العظيم
وينهم اهل الشارجه الاماره الباسمه
متعني ومتصررف وربعه خخخخخخخخ
للرفع
وبإنتظار مشاركاتكم يامخاويين شما
كلمتهم توني والسعر مايفرق وايد ميتين درهم بس
وبعدين اول شي الجامه مب متوفره عندهم حاليا لازم نطلبها
ومحتايين بعد glow lait و rainsensor
وهايل مب متوفرات عند محل قطع الغيار
وبعدين تقريبا نص المبلغ رايح في التركيب ومثل ماقلت يااخوي خبرني المسؤول في ورشه الوكاله انه يبالها يومين ولازم ينظفون الجلو الموجود عقب مايفجون الجامه ويركبون اليديده ويثبتونها يوم كامل وهي واقفه عسب يتأكدون انه مافي تنسيم
وشرات ماقلت لك هو شي بسييييييييط جدا فقلت اذا في مجال يقصونه بالليزر او يعدلونه في محلات مختصه بالشارجه كان بها ووفرنا على اعمارنا
واذا مافي مجال وماحصلنا بدخلها الوكاله ان شاء الله وببدلها عندهم
ومشكور على المرور اخوي
وبإنتظار مشاركاتكم يالربع وإفادتكم وخبراتكم