صبحكم الله بالخير يالربع
البارحه وانا راد من دبي شي ضرب في الجامه الاماميه
حشره ولا حصا صغيره ولا شو مااعرف بالظبط
المهم سوى شرخ صغير فيها حجمه حجم ربع درهم
خطفت على الصناعيه في شغله سريعه ومريت على محل زجاج وسالته قالولي نبدل لك الجامه الاماميه كامله ب 300 درهم وقابل للتفاوض بالمعقول 
دخلتها الوكاله وخبرتهم عن السالفه وجيكوا على سعرها مع التركيب فوق 6 الاف درهم 
وطبعا مايغطيها الضمان
وسمعت في محلات في الشارجه يقصون لك الجزء البسيط المكسور بطريقه معينه بدون لا تبدل ولا تسوي شي
فاذا حد فيكم يعرف محل زين في الشارجه ولا غيرها ياليت يخبرني عن اسمه ومكانه
وللعلم السياره نوعها بي ام 750
صاحب محفظه
اهلين وسهلين بالغاليين , ياحيالله هالطله لا عدمناها
خلاص ياخوك وديتها لواحد من ربعنا عنده كراج بالعين وشافها قالي ماينفع ابدا فيها ليزر وامور المعالجه الأخرى
والجامه دبل والكسر بس في الجامه الخارجيه فبنمشي فيها الحال فتره بسيطه
فان شاء الله على التشييك الياي يوم ندخلها بخليهم يبدلونها مره وحده والامور طيبه
hmha83
هاي الشركه مب في الشارجه دقيت البداله وماظهر الرقم , والصراحه شغل فنان شفته في اليوتيوب هايل فايده التكنولوجيا والمعرفه والعلم في امور السيارات , هني في الصناعيات عندنا شوي بنغاليه ومهنده واخوانا العرب
ولا حد يدل شرقه من غربه ماعندهم غير سووي بدل جيييب قطع من محل وانا يسوي تركيب
اخوي
في محل في الشارقة اسمه المهندس يصلح الزجاج و اذا فيه اي خدش مثل ما صار معك اكييد اهو بصلحهو بهل الطريقة
شوف هذا الرابط و انشاء الله يكون حل لمشكلتك.
المـــــــهندس لآصــــــــــلاح زجاج الســــــيارات
وربي يوفقك
السلام عليكم ورحمة الله وبركاته
هلا بعاشق العين
طال عمرك شي محل في صناعيه بوظبي ( المصفح) اسمه النمــــــري للزجاج
هذا احسن محل اتعامل وياه في امور الجامات, وشغله نظيف جدا واسعارهم طيبة.
اطلب رقمه من الاستعلامات .