أخــواني الكرام انا ناوي أخذ شقة بالشارجه و حصلت شقة موقعها منطقة المجاز و بالتحديد خلف الحديقة .. و صار للبناية حوالي 12 سنــة و معدل الأجارات الحالــي في البناية 40000 الف درهم , و حتى فيه اكثر بعد يعني في واحد مأجر بـ 60000 الف بنفس البناية .. و هي عبارة عن غرفتين و صالة و حمامين الله يعزكم و مطبخ .. و السعر المطلوب للشقة 450000 أربعمة و خمسين ألف درهم ..
و انا بحسبتي بما اني ناوي اشتري بتمويل من البنك و بدفع حوالي 270000 الف دفعه اولى و بتقسيط شهري مع مرابحة البنك بتكلفني حوالي 515000
فحبيت أخذ رايكم هل الشقة تسوى ..؟هل الاجارات في الشارجة في زيادة بالفترة الحالية او ثابته او راح تنزل ؟؟ ؟؟ ؟؟
هل لو فكرت ابيعها بعد 5 سنوات ( بقدر اظهر قيمتها 450 الف ) و لا مستحيل لأنها قديمة .. ؟
و الي ناوي يضيف شي زين و ابي اسمع نصايحكم و رايكم بالمشروع .. و الي يسأل ما يضيع 
و مشكورين ..
اخوكم الريايسي ..
أخوي الرياسي ….. المؤشرلت كلها تقول ان الايجارات راح تنزل وان مان البعض ماسك ع السعر الجديم مثل ديار وربعهم بس لانهم خذوها من الملاك بعقود ……
بس السعر هذا زين لشقه يديده مب جديمه
شيخي : بها السعر ممكن اتحصل في منطقة القاسمية صوب بنك المشرق والبنوك وممكن تلقى مستأجرين كبار مدراء فروع في البنوك أو موظفين كبار ، ونفس الوقت بنايات يديدة، أنا خذت شقة في منازل (1) خلف بنك المشرق ب300.000 درهم قبل البناء وبتلقى ناس محتاجة الحين واتبيع على 500.000 أو اشوي اكثر… ومنطقة حلوة ، وإذا تبا في برج الشاطئ على بحيرة الممزر ممكن ندور لك… والله يوفقك
اليديد حبه شديد
نصيحة اخوية
قديمة جدا لاتفكر تشتريها ابدا الاجارات تنخفض ماراح تفيدك
دورلك شي يديد بسعر ((( لقطة ))) بتحصل وايد
!!!!!!!!!!!!!!!!!!!