السلام عليكم ورحمة الله وبركاته
لاحظت الأيام الماضية عرض نيسان باترول الشكل الجديد مستعملات للبيع مع إنهن بعدهم موديلات جديدة!!!!
هل هالبيع له علاقة بمشاكل فنية ظهرت في الباترول الجديد؟؟؟
أهل التجربة فيدونا مشكورين بتجاربكم مع الباترول الجديد 
وسلمتم.
حلــــــــوه للـــــــــــــــــــــــبيت ( الدريول او الشيبان )
أنا ربيعي عنده ستيشن لكزس وماخلينا مكان وماسرناه
البداير وتقطيع فالرمله ومن يبا يشغل شي فيه مثل الي يطلع السياره وهي مغرزه وله يرفع السياره
لا صرفية بترول ولا شي
المهم أنا كنت باخذلي لكزس بس المشكله السعر
وخذت نيسان
وأعطال ونا كارهنه بس خلاص شسوي أرضا بنصيبك
دبل ثجيل مايركب -دفلوك ما يشتغل
أول مشكله صادفتني السياره عالخط تاخذ يمين
وقريت سالفت البترول الي يطلع من الخزان والحين عرفت أنها من السياره مب من الي يعبي فالشيشه يصب برع
الله المستعان
ونا السياره أستعملها جني ماخذ نيسان موديل 99 مستعمل عشان ماتعور راسي هالأعطال
والأمور تكون طيبه
وتحياتي للي بيسير بياخذ واحد
السياره ماشيه 30 ألف الحين وفالوكاله إقولون يبالها تبديل سفايف وخراطت درام ويل
أمسات دقيت سلف وسرت المطعم بييب للبيت عشا وقفت عند المطعم أتريا الطلبيه
الحراره أرتفعت للخط الي تحت الهاي يعني الرع الفوقي قلت يمكن مب صدق بندت السياره
ورديت شغلت نفس الشي
يوم حركت دعست ردت نزلت
وللحديث بقيه
كلام وايد مامنه فايده
بس النيسان الي يبا ياخذه إبشرنا عشان نسأله عن الأعطال والقصص الي بتستوي وياه معى الوكاله
هع هع
معالسلامه
الــــشـــكــــر لمن أتحفنا بتجربته مع الباترول،،،،،
وبإنتظار المزيد من تــــجــــاربـــكــم وأرائـــــكـــــم في الباترول &وسـلـمـتـم&
مووتر ماعليه من كل ناحيه
فخامه علي باااااور واشووف انه يتقارن بالاستيشن لكزس اذا مب احلا
وف النهايه ترا الناس اذوااااق
طولي بعمرك الخلل الفني في موديل 2010 من السكان والمشكلة انه فيها رقله والحل انك تروح الوكالة و يغيرولك قاعدة السكان كلها. و لو تلاحظ السكان 2010 اخف من ال2011. انا بنفسي عندي 2010 و كانت عندي المشكلة و لله الحمد الوكالة حلتلي المشكلة و كل شى تغير عالضمان
. حتى ماتاخذ الا 3-4 ايام بس . انا بالنسبة للناس الي يبيعون النيسان 2010 , اتوقع انه الناس هبو فيها مب لغرض الاستخدام والمكده, لغرض انه يراوي الناس انه عنده كل شى يديد. والسموحة منكم