السلام عليكم ورحمة الله وبركاته
لاحظت الأيام الماضية عرض نيسان باترول الشكل الجديد مستعملات للبيع مع إنهن بعدهم موديلات جديدة!!!!
هل هالبيع له علاقة بمشاكل فنية ظهرت في الباترول الجديد؟؟؟
أهل التجربة فيدونا مشكورين بتجاربكم مع الباترول الجديد 
وسلمتم.
اللى بياخذ نيسان خله يشوف على الباب البليته من شهر واحد 2010 اللين شهر 9 2010 هذى الدفعه فيها خرابات ومن شهر 9 اللين 12 بعضهم فيها اكسلات ورودات ويقولون الحينه صلحوا كل شي فيه والله اعلم لاكن النيسان ماعليه كلام اتوقع 2011 يكوووووون ممتاااااز جدا وبالتوفيق اللى بياخذ نيسان او يستخدمه ^_^
زين زين
في بالي اخذ نيسان اليديد عالبنك
كملو اتحفونا عشان ابطل
ياخوي طولي بعمرك انا عندي نيسان اليديد و بكل امانه مب راحم الموتر. انا اشتغل فلغربية فنص البر , فعشان انا اروح ليوا (50 كيلو بر) لازم اقطع فلبر كل يومين او 3 ايام والحمدالله انه لا سمعت لا صوت ولا قرقعة ولا هم يحزنون , و مب بس للشيبان والبيت. الواحد بصراحة ياخذ النيسان اليديد و يكون واثق انه ما بتوقف عليه بسبة حراره ولا شى , يعني النيسان باترول سيارة مكده. في شباب لقيتهم في بداير يعني بصراحة يلعون السيارة و مايخلون شى فيها صاحي, اخر شى يقولون السيارة زبالة و مامنها فايدة, زين انتو الحين تضربون النقا, اتدورون, تخمسون, ريس 24 ساعة , شى طبيعي السيارة بتخترب.
و على طاري السفايف, انا معاك اول دفعات جي كانن يطلعن صوت , اما الحين ماشى الحمدالله , حتى رقلة السكان مثل ما وضحت للشباب قبل انه الوكالة قالت انه في بعض الدفعات فيها هاي المشكلة و يغيرولك قاعدة السكان كلها.
والله الموضوع مهم جدا بالنسبة لي واتمنى تزيد المشاركات
أخوي أنا أقصد أن السياره مب عمليه نفس الفتك 4800
بتدخله أي مكان قر قره وله رمله
مره كنت ساير المنطقه الي تابعه لعمان فالأمارات صوب الفجيره
تميت ساير عالقار لين ماياني درب كج
كملت ماشي تقريبا مال 5 كيلو ورديت
شورايك الموتر تم إطلعلي أصوات من كل مكان
وخاصتا السفايم صدعتني من كثر ماتعطي صوت مثل الصفاره
أنته شورايك يعني
لو كانت سيارتك ويديده وجي يستوي فيها
بتقول لا هذي أحسن سياره تنفع حق كل شي