إطارات السيارة؟؟؟

6 thoughts on “إطارات السيارة؟؟؟”

1. شكرا أخواني bin dubai على النصيحة
   وأخوي مستر 1001 على ردك

   أشكركم جميعا وشكرا على أسماء المحلات لأن بالفعل ما أعرف أماكن تبديل التواير ولا وقت التبديل
   جزاكم الله خيرا

2. بسيطه ام ابراهيم

   يوم تلفين عالدوار وتحسين انها تشووح عليج بس طبعا اتدشين عالدوار ع سرعه 100 وتكسرين السكان يمين ويسار

   وتسمعين صووت ويييل وانتي تلفين

   بهالوقت يباله تبديل اربع تواير

   lol

   

   اسولف وياج

   ……… والممشى ع حسب ضرب الخطوط عندج اذا يوميا تمشين 250 كيلو .. يعني طول الاسبوع بين بوظبي ودبي والعكس مثلا

   اكيد تتغير على كل 60 ألف والتواير انواع واشكال فيه مال الايرانيه قوم بو عبود الي ينشرخن عالطريق وفيه المضمون من محلات معتمده وانواع واشكال .. ياباني استرالي ماليزي فرنسي .. واحسن محل تعامل وياهم الي هو بريجستون والنوع ياباني
   اما اذا مشاوريج من البيت للسوق وطلعات خفيفه عادي اتكملين سنه ونص إلى سنتين او اكثر ع حسب السواقه

   والطريقه الثالثه اتجايسين حواف التواير من داخل اذا ممسوحه او لا

   شكرا على ردك علي
   وإذا بتكون متواجد في نفس اللحظة ع الدوار أنا مستعدة ألف على سرعة 160
   بس على شرط أسويك مزهريه في وسط الدوار
   بس أختار الدوار اللي يناسبك
   هههههههههههههههههههههههههههههههههههههههه
   شكرا وحبيت أمزح معاك
   الله يعطيك العافية ويسلملك صحتك

3. الاطار والي نسميه التاير

   يطنبق على نوعيه التاير والشركه المصنعه وطبيعة الاستعال

   اذا مال ضرب الخطوط نصيحه على بداية كل صيف لازم تتبدل للسلامه طبعا

   واذا مال مدينة ونوعية التاير ممتازه واصليه كل سنتين

   وانصحج برجستون في صناعية العين عندهم خبراء في مجال التواير والمزانيه وتحديد عمر التاير قصدي الاطار ههههههه

4. بسيطة لا اتعورين راسج ولا شي اذا انتي من دبي سيري عند السركال في شارع الشيخ زايد

   واسئليهم وبيخبرونج (عطي الخباز خبزه) و اذا يبالهم تبديل بدليهم عندهم لان هو الوكيل ومظمون

   الملات الباجية كلها غش في غش وخصوصا انج حرمة وبعدين في وايد اشياء ما تعرفينها فالاحسن بدليهم في السركال

   و اذا يبالهم تبديل ركبي good year او yokohama او كونتننتال او بريجستون هالاربع شركات اوكيه

   يعني لو بغيتي شركة غير برجستون خبريهم وبيبون لج وتقدرين اتكاسرينهم

5. بسيطه ام ابراهيم

   يوم تلفين عالدوار وتحسين انها تشووح عليج بس طبعا اتدشين عالدوار ع سرعه 100 وتكسرين السكان يمين ويسار

   وتسمعين صووت ويييل وانتي تلفين

   بهالوقت يباله تبديل اربع تواير

   LoL

   

   اسولف وياج

   ……… والممشى ع حسب ضرب الخطوط عندج اذا يوميا تمشين 250 كيلو .. يعني طول الاسبوع بين بوظبي ودبي والعكس مثلا

   اكيد تتغير على كل 60 ألف والتواير انواع واشكال فيه مال الايرانيه قوم بو عبود الي ينشرخن عالطريق وفيه المضمون من محلات معتمده وانواع واشكال .. ياباني استرالي ماليزي فرنسي .. واحسن محل تعامل وياهم الي هو بريجستون والنوع ياباني
   اما اذا مشاوريج من البيت للسوق وطلعات خفيفه عادي اتكملين سنه ونص إلى سنتين او اكثر ع حسب السواقه

   والطريقه الثالثه اتجايسين حواف التواير من داخل اذا ممسوحه او لا

Comments are closed.