منزال البطين تم إقفاله، و إلي عنده طراد هناك في الماء حطوه له إياه علي أربع طابوقات، ((حتى الحكومة صارت تخلي المراكب علي أربع طابوقات))، المنزال القريب هو منزال الخالدية بلاس علي طرف ديوان الشيخ زايد ((الله يرحمه، و يجزيه أعلي درجات الجنة)) بس الله يعين أصحاب المراكب الكبيرة، مالكم إلا منزال وحدة مكافحة المخدرات تحت جسر المقطع، وكالة الجونسن-مقابل رسوم أنزال-، ميناء الصيادين-مقابل رسوم أنزال-، منزال المرينا ( مرينا مول – أبوظبي مول – البطين) -مقابل رسوم أنزال-، و فيه منزال صغر قرب فندق شنغرلا في منطقة بين الجسرين، و مصفح فيها منزال بس ممكن ترد و تلقي السيارة علي أربع طابوقات.
السموحة يالربع لو غثيتكم بس و صلو الخبر لربعكم يمكن حد له طراد هناك.
الله المستعان.
يعني اللي موقف طراده فوق و قريب من الشارع،،، ما يتأثر؟؟؟
لمدة يومين بس و أشيل الطراد؟؟؟
اكيد المسؤولين ما بيرضون وهم اصحاب القرار الا اذا هم حاطين طراريدهم في باركن المرينا خخخخخخخخخخخخخخخخخخخخخ
قديمة سكروه بعد، لا تخاف الربع في تعذيب الفقارة ما ينخاف عليهم
الله يرحمك يا زايد و يغمد روحك الجنة
بالنسبه بالبطين يا اخوي حاطين لهم انذار باالاخلاء من شهر5 العام قبل سبع شهور ومحد يبا يحرك طراده
بس لازم صراحه يسون لنا منزال مجاني يعني كل طلعه 100 والنزله ب 100 بعد بتروح تعبي بترول اقل
شي 400 درهم يعني الطلعه بتطلع عليك ب 600 درهم واخر شي نيب 2 شعري صغيروني ماشي فايده
يا اخوي وشي منزال قريب من جونسون مجاني مال البلديه ما تقدر تنزل منه طراد لانه تصميمه غلط
العربانه بتحك ويمكن تتكسر ليش ما تشتكووون عند البلديه ويعدلون المنزال صراحه يكون احسن.