منزال البطين تم إقفاله، و إلي عنده طراد هناك في الماء حطوه له إياه علي أربع طابوقات، ((حتى الحكومة صارت تخلي المراكب علي أربع طابوقات))، المنزال القريب هو منزال الخالدية بلاس علي طرف ديوان الشيخ زايد ((الله يرحمه، و يجزيه أعلي درجات الجنة)) بس الله يعين أصحاب المراكب الكبيرة، مالكم إلا منزال وحدة مكافحة المخدرات تحت جسر المقطع، وكالة الجونسن-مقابل رسوم أنزال-، ميناء الصيادين-مقابل رسوم أنزال-، منزال المرينا ( مرينا مول – أبوظبي مول – البطين) -مقابل رسوم أنزال-، و فيه منزال صغر قرب فندق شنغرلا في منطقة بين الجسرين، و مصفح فيها منزال بس ممكن ترد و تلقي السيارة علي أربع طابوقات.
السموحة يالربع لو غثيتكم بس و صلو الخبر لربعكم يمكن حد له طراد هناك.
هههههههه الحينه تيي هناك تعباان وعندك غرفه في الطراااد تخاف ترقد فيها ..
عادي تنش تلاقي عمرك في كشرة البلدية ولا حاطيبينك في مكان والسياره في مكاان
الحمدالله على السلامه .
الله المستعاان ..
انا ابشركم يت الشركه وشلت الطراد مالي فوق في البطين
وكنت ياي من البحر الظهر والشركه شلته العصر
بس خويكم سار وسوى معركه معاهم مثل قادسية صدام….
وبعدين يابو الونج مالهم ورجعوا الطراد بحر ودعيت على الونج علشان يتعطل بس ما يا شي….
الحمدلله سلمنا
شي باركن بحري ببلاش يالربع مع منزال، قرب خفر السواحل مال نادي الكهرباء القديم, لحق ما تلحق
ما طلبت شئ يالجنعد، إذا الطراد صغير فيك توقفه عند منزال بين الجسرين، و التريله من الموج ((للأجار)) بس لحق عليهم، و الكرين الله يعينك عليه، و الباقي شغل التصليح و أنتي فولينج.
في منزال و مرينا بيسونه في المشرف شوفهم.
أنا طرادي كان في خور البطين وييت عليه في شهر 6 بشله الا احصل التريلا مسروقة…. وتم من هاك الوقت لين الحين …. والحين ييت بشله حصلت الشركة حاطتنه على الرملة عدال وزارة العمل القديمة… انزين يا جماعة الخير المفروض يوفرون البديل قبل لا يبدون بأي مشروع يضر الناس… الحين تريلا ماشي ولا تريلات حق البيع متوفرة… شو نسوي يعني !؟؟؟!! ما نطلع بحر ولا شو السالفة والمشروع بيخلص بعد سنة وبيكون بالإيجار … مواقف المينا محجووووزة فووول ومواقف كل المارينات محجوزة وفوووول … والمينا يخبروني الطراد اللي حجمه أقل من 30 قدم يحسبونه 30 قدم والقدم بـ 850 درهم .. والمنزال اللي عندهم الشركة مسوينه غلط ومسكر حق الصيانة ومنزال الجونسون يحسبون 100 درهم على النزلة و 100 درهم على الطلعة… والله حالة… شكلي بحطه على سيفة جزيرة وبروحله سباحة أبركلي .. الله المستعان ولا حول ولا قوة الا بالله ……………………..