السلام عليكم و رحمة الله وبركاته
بعد التحية،،،
أبي أسوي عملية ربط المعدة لأن وزني 170 كجم وطولي 176 سم … وفي ناس تخوفني وفي ناس تمدح لي .. فحاب أعرف بالذات من ناس سووها … وين وعند أي دكتر .. ومتى صار لهم مسوينها وكام نقصوا وهل ينصحوا فيها ؟
وإيش الصعوبات ..
شكرا
أشكر الجميع على المرور .. المشكلة الحلول الثانية جربتها لكن ما ضبطت وياي لازم أنقص من وزني حول ال100 كجم والمشكلة بدأت عندي عوارض أمراض مثل السكري والضغط والقلب … وإذا ما نزلت وزني الله يستر والكل ينصحني فيها .. أكيد بستخير .. لكن قلت حا أسمع تجارب ناس سوتها … وأكيد في ناس ماتت فيها لكن كام بالنسبة للنجحت عندهم … الخطأ الطبي وارد والله يستر .. لكن إيش جابرك على المر غير الأمر…
خبروني في مستشفى كوزمسيرج بأبوظبي أو الإمارات بدبي … د. كريستيان دو برويان بلجيكي يمدحونه …
ومشكور
من رايي لو تبتدي بحبوب تنحيف و نظام غذائي تحت اشراف اخصائي تغذيه ..و من يصير وزنك مناسب للرياضه و الحركه تبتدي تتمرن
لان اظن مره شايفه صور هالعمليه و الظاهر يخلون انبوووب طالع برع من بطنك..و هالعمليه بتأثر فيك لباقي عمرك ..وحده كنت اعرفها مسويه و ضعفت و خلصت ..بس طول عمرها بطنها يسوي اصوات و من غير انها لازم تاكل بشوي شوي..نحن نخلص و نروح و هي مسكينه يالسه تعلج …فانصحك تفكر بالعواقب و السلبيات اللي بتستوي عقب
ارجوك لا تتهور
احسن شي تستخير و ما خاب من استخار
الله يعينك
شوف الموضوع هذا عن وحده ماتت في مستشفى المفرق بعد عمليه ربط المعده
الله المستعان
.
.
.
الله يعنيك أخــــــــــوي ، وزنك وايد كبير