إلي يقدر يساعدني بعملية ربط المعدة أو سواها

25 thoughts on “إلي يقدر يساعدني بعملية ربط المعدة أو سواها”

1. صح الدكتور بيسافر خلال هالايام .. وبخصوص ثقه ابدا بالعكس قال اللي معاه مرض وراثي بيساعدونه
   بس اهم شيء لو يبا موضوعه يمشي بسرعه ايب تقارير من مستشفى ثاني ان فيه بدايه اعراض
   السكري والضغط … الخ تقرير من دكتوره تغذيه ان حاولت تسوي رجيم ومانفع وهم بعد الدكتور اللي
   بيسوي لك العمليه يكتب تقرير ان وزنك محتاج عمليه وان كتلتك ( السمنه خطر ) وان شاء الله بتتوفق

2. السلام عليكم ورحمة الله وبركاته ،،،

   الله يعطيك الصحه والعافيه يارب ،،
   اخويه انا اعرف ناس مسوينها عند دكتور عبدالسلام الطائي في مستشفى النور في بوظبي ،، وبصراحه العملية يمكن تاخذ ثلث ساعه وتقدر تطلع في نفس اليوم من العملية الا اذا صارت مضاعفات لا سمح الله ،، السالفة انهم بيحطون لك حلقة في بداية المعدة ومن خلالها ما بتقدر تاكل نفس قبل ،، يعني كمية الاكل الي بتاكلها بتقل وااااايد ،، وفي البداية بنيصحونك بأكل الاكل اللين المهروس وشرب العصاير ،، وكل شهر او شهرين تقريبا تروح تحقن الحلقة عشان تضوقها ،، والمادة الي يحقنونك فيها هي ماي وملح اعتقد ،، مع ممارسة الرياضة ،،وبعد ما تنزل للوزن الي تباه ممكن تشل الحلقة ،، اعرف ناس نزلو عليها حوالي 30 كيلو في سنة بدون رياضة ،، وناس نزلوا عليها 65 كيلو ،،
   وبخصوص تكلفة العملية اذا بتدفعها انت بتكلفك 25 الف درهم ،، ومثل حالتك ممكن ثقة تغطيك اذا كنت من بوظبي وعندك البطاقة الذهبية للضمان الصحي ،، بس تراهم بدو الحين يسووون حركات عشان المريض اخر شي يطفش ويسويها على حسابه ،، يعني ممكن يقولون لك بنحولك على اخضائي تغذية او رجيم او او او بس عشان يمللونك ،،

   توكل على الله وسو العملية وربي يسهل لك امورك وحط في بالك انه محد يموت قبل يومه ،،

   ملاحظة (( دكتور عبدالسلام بيكون متواجد بعد تاريخ 14 فبراير ،، اتصل في المستشفى وتاكد ،، واذا تبا رقم الدكتور طرش لي على الخاص وحاظرين للطيبين ))

   بننتظر سماع اخبارك الطيبة ان شاء الله ^_^

3. مانصحك

   سوي رجيم والاراده خلها قويه

   والله يوفقك ^_^ ويعينك ..

   حطلك ميزان فحجرتك

   وكل يوم مع الرجيم اوزن و سجل وزنك

   بتتحمس يوم تشوف وزنك ينزل

   خذ الميزان بالباوند عشان تتحمس اكثر لانه ينزل اسرع لانه ارقامه اصغر و تحس بالفرق بسرعه

   نصيحه ^_^

   وربي يوفقك

   تقبل مروري

4. في البدايه أنا ما جربتها العمليه أبد

   لكن عندي واحد من الربع في الدوام امسويها

   ونزل وزنه وايد وأنا ناوي أسويها الاسبوع القادم

   بعد ما ارجع من السفر

   والريال كان امسويها في مستشفى بدبي

   والحمدالله ما عنده اي مشاكل للأن

   وبالنسبه للأكل قال انه تلعوز شوي في البدايه

   لكن عقب اسبوع إلى اسبوعين تأقلم عليها

   وعرف قياس الاكل اللي لازم ياكله

   والتوفيق من الله بس لازم تتأكد من الدكتور اللي يسوي العمليه

5. من المؤسسين لعمليات السمنة في العالم (ربط المعدة)
   السعودية : د.وليد بخاري جدة
   د. محمد فراخة الامارات ابوظبي بس اعتقد حاليا في مصر تقدر تتاكد مركز الخليج التشخيصي

Comments are closed.