السلام عليكم ورحمة الله وبركاته
الموضوع : مثل العنوووان
المكان : شارع الشيخ زايد – دبي
الزمان :صباحاً مع فجة الضوو
الحالة : زحمة
سرعة الطريق المحددة : 100 كم بالساعة والرادارات تزخزخ بدون رحمة
وسرعتي 140 كم /سا
و95% من مستخدمين الطريق ملتزمين بحدود السرعة
3% مسرعين شوي <<< أنا واحد منهم
1% طااااايرين بس ما حد منهم يدييييم <<< ما عليكم منهم غير مزعجين
1% قليلين أدب وإحترام وإنسانية <<< من الجنسيات غير العربية
طالعين متأخرين على الدوامات لأنهم كل الليل سكرانين والصبح ناشين مثل … الـــخنــ…؟
فما بالكم لو كان حد من الفئة الأخيرة بنت أو إمرأة وشعرها أصفر وخشمها يدق في منظرة السيارة داخلية
وتجي عليك طايرة بسيارة سبووورت وتديييم وتضرب هرن وبعد ما تعطيها مجال للتجاوز ترفع لك يدها وتشهر لك الإصبع الوسطاني وكلنا بيعرف شو معنا هالحركة …يعني لو سياراتهم عليها مخفي كنا قلنا ماشفنا شي
… بس عينك .. عينك …
يعني بصراحة أنا ما قد تعرضت لمثل هذه المواقف في أبو ظبي … مع أنه الشوارع سريعة و ساعات تكون زحمة والناس تديييم لبعضها
قلنا: مرة ..مرتين .. ثلاث … عشر… وبعدين … وبعدين …يعني لازم الواحد يروح يحرطم سيارته وسيارة غيره عشان يتوقفوا عن هذه الحركات…
وإذا الشغلة بالعضلات ترى الموووضوع سهل …
بصراحة معصب لأبعد درجة … ليش ….؟
قـــلت أكتــــب هالـــموضــــوع … وشوف ردودكم وتعليقاتكم …عشان أعرف أنا غلطان أو لا …وشو التصرف اللي لازم إعتمده في مثل هذه الحالات
و السمووووحة … منكم
اول شي مشكور أخوي على الموضوع المهم هذا ..
أنا ما صارتلي السالفة هذي للحين ولله الحمد .. بس شفتها مره جدامي .. كنت طالع أنا وأخوي من دائرة الجنسية والاقامة في دبي .. وواحد من باصات المواصلات لف جدام واحد هندي مسكين .. الهندي جان يظرب هرن عليه .. وما تشوف الا سايق الباص يطلع إيده ويسوي الحركة الوصخة للهندي .. وأنا وراهم .. والله ارتفع ضغطي جنه سواها لي أنا .. خذت رقم الباص وسرت مركز بر دبي أبلغ عليه .. طبعا يزاه الله خير الضابط .. ما قصر .. اتصل على طول بمواصلات الامارات .. وخبرهم بالسالفة وعطاهم رقم الباص وطلب السايق .. ربع ساعة ومسود الويه السايق ياي .. طلع ( مصـ …… ) الجنسية .. بس الضابط الصراحة كان قلبه طيب وياه .. دزه توقيف وسواله قضية .. وكتب تقرير بالسالفة وطرشه لمواصلات الامارات .. بعد يومين اتصلي وقالي ترى السايق في النيابة على ذمة القضية .. ومؤسسة الامارات للمواصلات فنشته من شغله
يستاهل مسود الويه .. عنبو لا احترام ولا أدب .. وين نحن عايشين ..
مره واحد سوالي الحركه و كتبت الموضوع هنيه في المونتدى
يابويه شو نسوي و شو نقول هذا الشي ان دل يدل على تربيتهم و البيئه القذره اللي يايين منها
و الحين اذا جلب نبح عليك بترد تنبح له؟؟
خل يولون يزاهم عند رب العالمين
خذ حسنات و اجر و احتسب
كنت ويا الدريوول
ووووووووووواحد لف علينا وتعرفون سواقة الهنود اشجايل
بطل الدريشه الدريول اوووونه عاااد محرج
والا السبال الي ف السياره الثانيه يسوي لدريولنا الحركه البايخه لا بارك الله فيه
وامايه ويانا واحتشرت قالت عنبوه شو استوى لا حيا ولا مذهب كان اجنبي لا بارك الله فيه ولا في يومه
نصائح التعامل مع حركة رفع الأصبع
1- قم بلفة مفاجئه على سيارة الفاعل
2- اول ما يصير التلامس اضرب إشاره وانزل
3- اتكلم وياه بهدوووووووووء خل اعصابه تفور
4-خل الشرطه توصل وهو يسبك
5- لو مصخها اكفخ والدا والديه على عينه ولد اللي مالت عالنبي وخل الشرطي يشهد وياك
من شهرين في جميرا
وحدة من بنات بلير ( شقيرة ) حاولت تتجاوز تريلا
وبعدما تجاوزته سوت الحركة
الشب ( باكستاني) ما كلمها
و بعد 3 دقايق و هي و اقفة على الاشارة ما حست غير بتريلا ضربتها من الخلف كنسلت السيارة ( السبور ) و طبعا تريلة الباكستاني ما انخدشت و لم تفرق معه غرامة الحادث لانه كنسلها السيارة