السلام عليكم ورحمة الله وبركاته
الموضوع : مثل العنوووان
المكان : شارع الشيخ زايد – دبي
الزمان :صباحاً مع فجة الضوو
الحالة : زحمة
سرعة الطريق المحددة : 100 كم بالساعة والرادارات تزخزخ بدون رحمة
وسرعتي 140 كم /سا
و95% من مستخدمين الطريق ملتزمين بحدود السرعة
3% مسرعين شوي <<< أنا واحد منهم
1% طااااايرين بس ما حد منهم يدييييم <<< ما عليكم منهم غير مزعجين
1% قليلين أدب وإحترام وإنسانية <<< من الجنسيات غير العربية
طالعين متأخرين على الدوامات لأنهم كل الليل سكرانين والصبح ناشين مثل … الـــخنــ…؟
فما بالكم لو كان حد من الفئة الأخيرة بنت أو إمرأة وشعرها أصفر وخشمها يدق في منظرة السيارة داخلية
وتجي عليك طايرة بسيارة سبووورت وتديييم وتضرب هرن وبعد ما تعطيها مجال للتجاوز ترفع لك يدها وتشهر لك الإصبع الوسطاني وكلنا بيعرف شو معنا هالحركة …يعني لو سياراتهم عليها مخفي كنا قلنا ماشفنا شي
… بس عينك .. عينك …
يعني بصراحة أنا ما قد تعرضت لمثل هذه المواقف في أبو ظبي … مع أنه الشوارع سريعة و ساعات تكون زحمة والناس تديييم لبعضها
قلنا: مرة ..مرتين .. ثلاث … عشر… وبعدين … وبعدين …يعني لازم الواحد يروح يحرطم سيارته وسيارة غيره عشان يتوقفوا عن هذه الحركات…
وإذا الشغلة بالعضلات ترى الموووضوع سهل …
بصراحة معصب لأبعد درجة … ليش ….؟
قـــلت أكتــــب هالـــموضــــوع … وشوف ردودكم وتعليقاتكم …عشان أعرف أنا غلطان أو لا …وشو التصرف اللي لازم إعتمده في مثل هذه الحالات
و السمووووحة … منكم
الحل الوحيد تاخذ حقك بإيدك،،،،،،،،،،
استوت لي بين دبي و الشارجة قبل 7 سنوات،،، و الله ثم والله، الشارع ما حد قدر يخطف منه الا كم سيارة بالغلط، تدرون ليش ؟؟؟ لأني كنت أحاول أوقف الأجنبي و يلف يمين و يسار ،،، و لا خليته يخطف لين ما وقف يمين الجسر الأول في الشارجة بعد ما وقفت السيارة بالعرض…. (( هههههههه نشوة الانتصار ))، نزلت له و معاي الخيزران ،، أول ما وصلت عنده لقيت ابو الشباب يصيح من الزيغة و مبند الباب… خخخخخخ نزل الدريشة و يقولي I am Sorry….. قلت له سوري على منو يالخام امف،، مرة ثانية لا تعيدها ،،، تم يحلف و يحلف انه ما يعيدهه مرة ثانية لأي واحد.
بس الصراحة ما كان بيسلم مني و اللي فيها فيها.
و نصيحة أخوية خذ حقك بإيدك و حاول تشتكي قبله،،، حتى لو هو اشتكى قبلك، مو مشكلة الضارب و المضروب في السجن،، و غصبا عنه بيتنازل على طول.
بلغ عليه الشرطه وراح يأدبوه ….
الله لا يقوول تصير وياي هاي الحركه…
طبعا انا كنت في جميرا ويا السايق
ونحن نبغي نلف جدى موقف من مواقف المراكز واجنبيه تبا تلف في نفس الوقت
جان تسوي نفس الحركه حق الدريول انا شتط
فقلتله وقف عدالها بالضبط في الموقف
وجان افتح باب السياره بالقو لين علم في سيارتها
يوم صرخت قلتلها ان سويتي ها الحركه مره ثانيه ما بتباتين في بيتج
جان اتخاف وتمشي بسرعه
وتمت هي تمشي وانا امشي وراها بسرعه
اخوفها
جان تركض
ههههههههههههه
جان اروح
اوقفها واتصل بالعمليات
واجوف شو بتسوي
والله زين سوى فيه الهرم……………….أخواني بنصحكم نصيحه لوجه الله …….. لحد يروح يشتكي على اجنبي والله بتتبهدلون بين شرطه و نيابه ومحاكم….والله احلف لكم وانا صادق استوت لي سالفه من غير ذكر تفاصيل ولا جنسيات….واشتكيت…..والله غربلوني 7 شهور لين ما خلصت السالفه ويتني تلفونات عسب اتنازل من ناس كبار … وما رضيت قلت اللي فيها فيها…. والحمدلله الله طيحني عند وكيل نيابه ما قصر معاي لأنهم كانو يبون يطلعوني انا الغلطان واتهموني اتهامات باطله…
والحمدلله من يومها حرمت اشتكي .. بس ماخذ حقي بدهاء ومكر…
يعني بريك خفيف ودخلهم تحت السياره ولا لفه عالجوانب وطيرهم الشارع الثاني … ادري انه حرام وقلبي يعورني عليهم بس شو اسوي …
البيت بيت أبونا والغرب يطردونا