إنشاء مجلة مرخصة و مطبوعه ..

13 thoughts on “إنشاء مجلة مرخصة و مطبوعه ..”

1. الاوراق العادية نفس كل دائرة حكومية

   صورة جواز – خلاصة القيد – صور شخصية – وتحط 10000 بالبنك ضمان بنكي

   اسم تجاري وها السوالف اشياء عاديه

   عادي تفتح مجلة محد يقولك لا

   على راحتك تباها ربحيه ولا غير ربحيه

   اهم شي تعرف كيف تسوق المجلة الاعلانات والبيع

   ولاتنسى تكلفة المجلة 8.30 اذا بعتها بـ 5 دراهم انت خسران وبتسكر المجلة نفس ما خسرنا

   اما انك تنقص تكلفة المجلة تحت 5 دراهم وتبيعها بـ 5 دراهم

   او انك ترفع سعرها الى 10 او 15 درهم

   روح الجمعيه والكارفور وشوف انواع المجلات واسعارها

   لاتنظر الى المجلات اللي تملك مطابع مثلا زهرة الخليج مجلة ماجد مجلة السوبر مجلة المراه اليوم مجلة الرجل لانه مثل ها المجلات مدعومه من الحكومه ومن شخصيات هامه وبعدين هذي تستفيد من مطابعها

   يعني تستفيد من الربح المركب من تشغيل مطبعتها ومن بيع مجلاتها وجرائدها

2. مشكور اخوي على المعلومات

   بس ياريت تفيدني اشوي عن شو المطلوب او شو هي التصاريح المطلوبه من قبل الجهات المعنيه

   يعني عادي افتح مجلة متنوعه … تكون ربحية و لا بس غير ربحيه

   يعني لو بغيت افتح ما بشوف معارضه … و شو الاوراق و الاثباتات اللي ممكن يطلبونها مني

   و السموحه

   قيصر

3. انت اول شي تظهر رخصة من الاقتصاد وبعدين من وزارة الاعلام بـ 10000 درهم

   وبعدين من البلديه وبعدين تطبع عاد

   المواد تكون من عندك توديها عند مخرج مجلات ويدخلك المواد ويسويلك ديزاين وبعدين توديه المطبع يطبعونها

   افضل المطابع في ابوظبي مطبعة الفجر التابعه لجريدة الفجر وسعرها رخيص وعندك بدبي مطبعة الغرير وسعرها غالي

   المخرج تقدر تتفق وياه على راتب 4000 بالشهر او 3000 او على العدد

   الطبعة تطبع لك العدد الواحد 120 ورقة بسعر 8.30 درهم يعني 3000 مجلة تظهر لك تقريبا بـ 25000 درهم

   هذا اللي اعرفه لانه كان عندنا مجله وسكرناها

4. هلا اخوي

   اخوي اللي اعرفه ان كل ما طبعت عدد اكثر كلما نقص السعر

   يعني تطلب بالجملة .. و الطباعه و التصاميم على المطبعة .. بس انت تتأكد من نوعية التصميم اذا عجبك توافق عليه

   و الله ما اشوف تجاوب من الاعضاء بخصوص هذا الموضوع

   جماعه ياريت اللي عنده اي معلومه يفيدنا الله لا يهينكم

   و السموحه

   قيصر

5. انا طالب نفس طلبك اخوي , بالاضافة إلى كيفية الطباعة و التعامل مع شركات التوزيع

   مثلا , راح تنطبع 50000 نسخة , سعر النسخة في المطبعة 5 وسعر التوزيع 1
   يعني 6 فهل يأخذوا شركة الطباعة 50000 *6 = 300,000 من البداية

   او يأخذوا مبلغ معين ومن ثم يأخذوا باقي المبلغ من المجلات التي بيعت !!

   وكم هو ادنى حد راس مال لبداية النشاط .. وافضل الشركات في الطباعة والتوزيع

   ومشكور

Comments are closed.