السلام عليكم ورحمة الله
صارت لي قصة قلت خلني اشاركها
كنت في السيارة ومرينا على طريق كلفتن ونحنا يا جماعة الخير في السيارة وكأني لمحت شي مألوف
قلت حق خويي وقف وقف اشوي….. نزلت من السيارة ورحت صوب هالشيء و إذا به العلم يرفرف و يوم شفت العلم 
حطيت يديه على قلبي واذا بقلبي يطير من الفرح وحسيت بالامان وقلت ( ااااااااااااااااااااه يا قلبي )وحسيت كأني في الامارات , المهم مشيت لين ما وقفت على باب قنصلية الامارات و تميت واقف حول دقايق أتمنظر في العلم . وقلت في عمري بحاول ادخل ابغي اشوف عرب ابغي ارمس مع واحد عربي ابغي اتونس و يوم يا مسلمين قدني داخل و إذا به الحارس اعوذ بالله منه اتقولون عبس وتولى وقفني وقال لي وين رايح بالاوردو رديت عليه بلهجة مكسرة ؟ رايح اطالع القنصل قضيب حمد سيف العواني , قال لي بابا انت اماراتي ؟ قلت لا , قال لي عندك موعد ؟ قلت له لا , قال لي عيل صرف ويهك , والله يا مسلمين قمت احايله على حب خشوم البتاني شو درابه بحب الخشوم , وبعدين يا جماعة الخير عودت وانا احس اني ففدت جزء مني في ذاك المكان , ركبت السيارة وأنا مكتم . قال لي خويي شو عندك مكتم ؟ قلت له ما شي حرك وحرك الريال وانا اطالع بحزن وشوق الى العلم المهيب يرفرف في الاعالي .
ان شاء الله عجبتكم القصة
وعليكم السلام ورحمة الله
ما العبره او الفائده من القصه ؟؟
الحق حق ولا ينزعل منه يالطيب
الملحقيه او القنصليه او السفاره مكان عمل دبلوماسي وليس كوفي شوب لشرب الشاي وإلقاء التحايا بارك الله فيك
الحارس ادى عمله على اكمل وجه ولا مجال للتعاطف في العمل وخاصه في هذه الاماكن الحساسه
ليس لديك موعد مع احد الموظفين ولست اماراتي .. ليش يخليك تدخل ؟؟
الحارس على حق ..
واي حارس امين المفروض ما يتعاطف في عمله و لا يسمح لك بالدخول
وهذا ما فعله
والسموحه منك يالطيب
الصراحة انت مولود في الامارات وتربيت فيها شكلك
مشكور يالغالي .. والظاهر انه عندك حب كبيييييييير للامارات
اكبر شي ^^ ههههه
والله يعينك الصراحه على ما استوالك
شـكــ وبارك الله فيك ـــرا لك … لك مني أجمل تحية .