السلام عليكم
السالفة اللي استوت معاي من قبل يومين
فطوم بنتي الله يحفظها(3 سنوات) مشتطة تبا اتسير البحر
قالت لها حاضرين يافطوم جهزنا العدة والكول بكس ومرينا واحة ادنوك خذنا سفن اب وبونتي+ثلج
طبعا ماشي مكان نتسبح فية الا سيح شعيب حدود بوظبي دبي
فية مكان حلو وهادي خاصة في نص الاسبوع في حدود دبي
المهم ظربنا خط حوالي فوق ال 90 كيلو واخر شي طلع البحر مسكر فية مشاريع
سرت صوب شاليهات عنتوت ادور 10 متر بس ابا اتسبح انا والياهال ماحصلت كل المكان مشبك
تمت فطوم اتصيح اتشوف البحر وماتروم تسبح
وانا ماعرف شو اسوي
اخر شي ييت صوب بحر الشاليهات و نزلت الياهل واتسبحو مساكين
فرحانين جنهم محصلين كنز
طبعا هذا بحر الفندق ممنوع ندخل بس دخلت
وفخاطري قلت لو يا الهندي مال السكيورتي بيتكلم برشة بطراق
بخلية يلقط ضروسة من الغيظ اللي فيني
الحين دولتنا شواطئها بأمتداد اكثر من 800 كيلو ماشي مكان نتسبح فية ؟؟؟؟
حراااام والله ليش جيييه ؟؟؟؟؟؟
يبون يستغلون كل ارض يطل عالبحر عشان يسوون فنادق ومنتجعات .
قهر والله وانا لو مكان بنتك فطوم بسوي نفس الشي وبتم اصيح من القهر
ههههههههههه والله ضحكتني اونه مايوه صوف
سير المكان السري مال بوحمده ,, يمدحونه
بمر على هالمكان بس كيف المكان وقت العصيير فية زحمة
الكورنيش اليديد في بوظبي
وأحلى شي ان الدخول بفلوس وخفت زحمة الآسيويين بمقدار 80 % بسبب 10 دراهم رسوم الدخول @!!!!
أو إذا تبا مكان هادئ بعد صوب شارع مصفح خلف قصر الشيخ سلطان على طول، ولو ان نص المساحة فيها مشاريع حاليا
أنا الفجر هناك دائما وما في احلى من ذاك الهدوء