ابا اشتري ثلاجه

9 thoughts on “ابا اشتري ثلاجه”

1. نحنو هونا بالخدمه :d

2. مع اني مب من بوظبي ومادل شي فبوظبي الا المارينا وصوب المينا

   كارفور المارينا بتحصل

   كارفور شارع المطار مافيه شي

   تسلم عمي ما قصرت

3. كارفور شارع المطار ولا كارفور المارينا .؟

   مع اني مب من بوظبي ومادل شي فبوظبي الا المارينا وصوب المينا

   كارفور المارينا بتحصل

   كارفور شارع المطار مافيه شي

4. اخوي

   اذا تبا ثلاجة للبيت شوف انا بعطيك نصايحي وبس ابا دعواتك لي ولأمي ^_^

   ماركة الثلاجه خلها آخر شي .

   اول شي: الصناعه وحاول تاخذه من مكان معروف مثل جاكيس او جمبو او كارفور (( اهم شي مركز الصيانه والضمان ))

   ثاني شي: دقق على حجم السدات وحجم الفريزر (شوف الحجم اللي بناسب المكان المراد وضعه ويستحين انك تقايس ) و درجات البروده والصوت و ربلة الباب و يستحسن تاخذ ثلاجة فيها ارجل من تحت او عربات (مرتفعه عن مستوى الارض بقليل علشان وقت غسيل المطبخ يسهل الغسيل وفي نفس الوقت ما يصدي ويسهل تحريكه) خل الشكل الخارجي آخر شي , أهم شي المحتوى (( وياما ناس تبتسم لك وفي داخلها غل عليك )) ههه

   ثالثا: بعض الثلاجات تسوي رطوبه او تعرق الخضار والفواكه وهذي ما تنفع لأن الخضروات والفواكه بيذيلون عندك بسرعه , حاول تسأل عن هالشي قبل ما تاخذ

   رابعا: يستحين تاخذ الثلاجه اللي فيها ادراج زجاج واظني نوعهم spell proof shelves وابعد من الادراج الشبك او البلاستيك , يعني بالمقام الاول الزجاج واذا ما حصلت خذ بلاستيك , وحط في حسبانك بمساحه الادراج حيث تقدر مثلا تحط غرشة ماي كبيره ووخذ السدات اللي قابلات للنزول والارتفاع (ويستحسن تاخذ الثلاجه اللي تكون المنيوم لانها بتكد عندك سنين عديده ولا بيجيسها صدى ودوم بيكون شكلها جديده)

   خامسا: حط في بالك ان الثلاجه شغاله 24 ساعه وتستهلك كهربا تقريبا اكثر شي في البيت صرفية كهربا الثلاجه والمكيف , انصحك تاخذ الثلاجه اللي عليهم علامة (( ENERGY STAR )) تحصل العلامه زرقا وعليها نجمة واسأل عنها قبل ما تاخذ لان هالعلامة تعني ان الثلاجه فيها تقنية تحسين صرفية الكهربا ويعمر اكثر .

   سادسا: حاول تتأكد ان الانارو الداخلية في الثلاجه كافية وفي نفس الوقت ما تسبب حراره للاغراض اللي داخل لانه يسبب تسمم ووشوف الكفر ماله ما يجيسه رطوبه ويستحسن كفر زجاج .

   و يتحسن تدخل على مواقع الماركه اللي تباها وتشوف وين موزعينها في البلاد

   الحذر الحذر الحذر تاخذ من برع او من بعض الاشخاص من المنتدى لأنه معاد تصنيعه او غير اصلي وذلك عن تجربه لذلك اسعارهم رخيصه

   من خلال تقييمي الشخصي بما اني وايد احب المطبخ (( الشيف مياثي تسوي كل شي شكشوكه عيش مورقي سمجي دال كول شي سوي ))

   طبعا في انواع غاليه جدا جدا لكنها تمتاز بمواصفات فوق الممتازه مثل ماركه BOSCH وماركة harman kardon واذا فلوسك زايده خذلك من هذيلا وانا عن نفسي لو اموت ما باخذ .

   لذلك عن تجربه بمواصفات و اسعار حلوه :

   رقم (1) LG ممتازه جدا جدا

   رقم (2) HITACHI ممتازه ايضا لكن احيانا تنقصها مواصفات
   لكن ما اعرف عن الانواع الجديده
   رقم (3) General Elecrec ممتازه ايضا ولكن ايضا تنقصها بعض المواصفات لكن ما اعرف عن الانواع الجديده (الحذر حاول تفرق بين General Electrec و Ogeneral ) لان الثاني ما يسوا ربيه

   رقم (4) ماركه Toshiba حلو واسعاره حلوه

   هههه بس تعبت كتابه

   وشكرا .

Comments are closed.