قالو بنوظفكم ومسوين لكم توطين. انتو الاولى بوطنكم يا شباب الامارات
حتا لو تصير معركة حطين . ونحارب كل الدواير والشركات
مادرو انه المدرا ما يبون مواطنين. ولا يبون حد من حملة الشهادات
كل لي من حولهم من الوافدين. ومسوين عصابات ومافيات
ان توظفت خلك من الساكتين . ولو تنصخت تراك بتنشات
خير بلادي مادريبه رايح وين . ونا ظايع مابين الام واهات
حسسوني اني من الفلبين. ولا كئني من هل الياسات
قالو المواطن ماعنده خبره الحين. ولو توظف بيخرب علينا كل المخططات
لازم نحاربه بالسيف والسكين . ولا يقرب صوب الدواير والشركات
ونسوي شرات ما سوو اليهود ففلسطين. ونطفشه لين ما يهاجر لاحدى القارات
ونتم نحن المحتلين والمسيطرين. نترس كروشنا ملايين الدولارات
انا هب من الناس العنصريين . ولا غازي حامل حقد وغيرات
انا احاتي اخواني الاماراتيين . بلادهم ومن حقهم مافيها من خيرات
يا مدراء تفكيركم رايح وين . بس همكم سكرتيرة وجتماعات
قاصين عليكم قوم قرفته وبناطلين . ولو وظفتو توظفون متبرجات
الصبح على مكاتبكم متفيزرين . واخر الليل معا الموظفات طلعات وسهرات
عصابه كل ابوها شياطين محنكين. واقوى من بعض تجار المخدرات
اتقو ربكم الحق المبين رب العالمين. لا ينسفكم وتصيرون فتات
وعتبرو المواطن اخوكم فالوطن والدين. وتركو عنكم هالسخافات
وليا احتاج مدله ئيدك اليمين. وقوله كلنا عيال زايد عيال الامارات
زايد جمعنا وخيره علينا للحين. عشان نتعاون ونحقق اعلى الريادات
ونتكاتف ونخلي الحديد يلين . وبلادنا تكون فوق اعلى الشامخات
شؤوون الموظفين منهم الشين والزين. لاكن للاسف بعظ المدراء بغامات
ما اقدر اجمع لان بعظهم حريصين. ان الدايرة تكون في اعلى المستويات
ودخيلكم وظفو اخوانا المواطنين. وسامحوني ان شفتو عليه زلات
اخافه يهاجر بكين ولا برلين . واتم الدواير والوزارات غابات
اعترف اني قسيت حبتين . على المدرا لي قصرو فالدوامات
واهدي سلامي للمدرا الموالين . لحب الوطن واهل المروه والشجاعات
خدمو واعطو من عمرهم سنين. وحققو انجح الكفائات الانجازات
على عهد ابونا زايد ماشين . زايد في قلبهم حي مامات
غيرتهم عالوطن مثل البراكين . دارنا بدمنا نسقيها ونسقو العدو جمرات
مشكلتي احب حب المجانين . احب الامارات وبوظبي بالذات
واحب اهلها لانهم ناس طيبين . واحب شيبانها وعربانها بكل الفئات
مشكور جداااااااااااااااااااااااااااااا
رووعة الصراااحة
اتمنى لو تنشرها
قصيدتك جميلة جداااا روعة احلى شي فيها انها قصيده تتكلم عن الحال وتمدح فيها الناس لي قدمو للوطن الغالي والنفيس
وتنتقد الناس اللي مقصرين ونعم فيك يالهاملي عجبني فيك استسماحك من اخوانا الوافدين . وشكرك لهم للي منهم خدم بلادنا
مرحبا الياسي
اذا عالقصيده تراها مكسوره وايد
بس المعاني والرساله لي فيها بصراحه قويه واثلجت صدري واضحه وضوح الشمس
الله يعينا و يصبرنا على ما نحن فيه
مشكور وماقصرت
همسه :: كلاااااااامك خطيييييييييييييير
الله يستر
انا اااسف لو القصيده زعلت بعظ الناس وافدين او مواطنين حقكم عليه انا بس ابا رايكم فالقصيده اخوان شما لاني شاعر بسيط مبتدأ
واشكر كل من ساهم في خدمة هذا الوطن الغالي سواءا كان وافد او مواطن