حبيت ابدا بمشروع وافتح مصنع فيبر جلاس بس بخصوص القوالب ما اعرف وين بلقاها؟؟ هل انها تنباع جاهزه او اني اشوف لي طراد واصب عليه؟؟؟ وذا في مكان يبيع قوالب ممكن تفيدونا ياشباب لو تكرمتو وذا مشى الموضوع والله وفق اوعدكم وعد بان اعضاء المنتدى راح يكون لهم سعر خااااااااااص جدا

5 thoughts on “ابا سوي مصنع قوارب بس اريد منكم المساعده لو تكرمتو؟؟”

  1. بالنسبة للقوالب بعطيك نصيحه جربها اذا نجحت امش عليها

    شوف لك جرف طراد يكون 10-15 قدم جرب تصب عليه و الصبه الي سويتها تكون هي القالب و بعدين صب عالقالب الي سويته و شوف
    هالشي شفته اليوم واحد مسوي قالب من فيبر و يالس يصب عليه
    اذا نجحت نفذها على قالب كبير مثل بن ظبوي تصب عالجرف و بعدين تاخذ القالب ماله و تنفذ عليه

    و ترا شغل الفيبر بسيط مب بالشي المعقد اهم شي المواد المستخدمة و جودة الفيبر و الفيبر سألت مره مصنع قال لي ياخذه من الشارجة بالكيلو على 6.5 الكيلو طبعاً هذا فيبر 400 و اعتقد ال600 نفس السعر و في قماش يكون تحطه من بين الفيبر عشان الصبة تكون قوية

    و بالتوفيق اخوي

  2. السلام عليكم ورحمة الله وبركاته وبالتوفيق
    أما بخصوص القوالب ترى محد يبعك قالب ناجح عنده نعم هناك مصانع تبيع بعض قوالبه اللي مالها حاجة عندها …………
    ومن ناحية الاحجام مثل ماقال أخوي راعي الحيرة
    وترى المصنع مايعتمد على التصنيع بس وإنما يعتمد ايضا على الصيانة
    هذا والله الموفق

  3. مشكورين اخواني على الردود الطيبه بس اريد استفسر منكم هل القوالب تنباع جاهزه؟؟ او اني اخذ طراريد من عند الشباب واسوي عليها قالب؟؟؟ المكان عندي والعمال راح اجيبهم من الهند والفلبين والامور كلها طيبه بس المشكله اللي تواجهني هي القوالب…… وواحد من الربع قالي ان فيه مكان في الشارجه يبيع قوالب لمعظم الطراريد بس هالكلام من فتره بعيده ومادري هل كلامه صح او غلط؟ الله اعلم ارجو منكم خواخذتي اللي عنده معلومه تفيدني لايبخل علي وجزاكم الله خير

  4. ما ازيد على كلام اخوي راعي الحيره
    اهم شي الجودة و السعر الطيب و بالنسبة للاحجام حسب الي اشوفه بين 25-30 قدم هو الي مطلوب اكثر شي

    و بالتوفيق اخوي

  5. السلام عليكم ورحمة الله وبركاته

    عزيزي

    موفق بإذن الله … لك مني أجمل تحية .

    المهم

    المشروع جيد وله نتائج ايجابيه مستقبلا

    النصيحه

    ابدا بقوه وحافظ على ما انت عليه

    الجرف لاتستعجل على اي نوع الا بعد ما تختار الجرف المناسب والي يمشي بالسوق ومن الفئة العامه ( الرخيصه ) لانها اليوم هي جوكر السوق

    تحديد الفئة المستهدفه هو المهم

    الجوده في التصنيع وبلا اختلاف بين جرف والثاني هو المهم ولاتحط في بالك الي يته مشاكل ما بيخبر ربعه عن اي شي بطراده

    تقليد الختال او بن ضبوي في نظري هو الانسب في الوقت الحاضر

    جرف ال 30 فما دون هو الانسب للمقاسات

    للحديث بقيه

Comments are closed.