السلام عليكم ورحمه الله وبركاته
اعاني من حصى في الكلى .. بعد علاج في احد المتشفيات الحكومية .. نزلت الحصى وصلت لين آخر الحالب
هل في دوى يفتت الحصى تنزل مثل الرمثل ؟
لاني سمعت انه وقت نزول الحصى تطلع مثل طلعت الروح …. ويعها مثل ويع الولاده 
وربيعي نزل الحصى بالليزر قالي بعد عذاب مع انه كان تحت تثأير البنج … للعلم بعد ماتنزل تسوي نزيف دم فالبول
بصراحة وايد قمت افكر فالموضوع وايد احااااتي
شو الحل ياجماعة الخير .. مافينا على هالعذاب
دعواتكم
على حســب ما وعدتــك الصبـح …اسـم الحبـوب “عجـــوان Ajwan”
ممكن تحصلــه بأي ســـوبر مـاركــت بــزاويــة البهـــارات … بتنقعـــه بمــاء ساخن ويشـــرب مثل الزهـــورات او الزعتــر وطعمـــه لا باس به … فيه اكثر من شــخص جربه وكانت النتيجــه ايجابيـــه…ربنـــا يشــافيــك ويعــافيــك… انا صورته لك شوف الصــورة ….
ربي يشفيك ويعافيك يا خوي ويبعد عنك كل شر وسؤ
الغالي ولد البلاد هب كل دوى بيفيد وكل شي حسب الحاله وحجم الحصوه
في ادويه اتفتت او بالاصح اتذوب الحصوه وتنزل وانت بالكرامه ويكرم المتصفحين ويا البول نفس الرمل بس بتحس بألم بسيط
ولازم ويا هالدوا تاخذ مضاد حيوي يعالج اماكن التقرحات والجروح الي اتسببها الحصوه واتكون بسيطه جدا
مر عند اي صيدليه ويكون صيدلاني شاطر واشرحله عطول بيعطيك الدوا
ربي يشفيك ويعافيك مره ثانيه
واهم شي حبوب ابعد هالخوف والتوتر من قلبك لانه سبب بزيادة الالم و الاوجاع
ربي يحفظك ويوفقك ويهون عليك
ألف ســلامه عليـــك … ما تشـــوف شــــر
فيه نوع حبوب مثل الشـــومـر بس نســيت اســمه … فيه عنا بالبيــت المسا بجيب لك اسمه وبخبرك طريقة اســتخدامــه
وعن تجـــربـــه … ان ما انسى …
إذا مافي حل بسلم امري لله وبتحمل
بس كم واحد روعوني الي نزلوها قبل
بصراحه ما اتخيل اني اتعذب نفسهم
ما عليه أخوي تحمل لك فيه أجر هالعذاب