اصدقائي الاعزاء
اذا في حد يستطيع ان يساعدني على حصول
وظيفة مناسبة وشريفة استطيع منها اساعد نفسي
واساعد اهلي حيث ان اخواني الصغار مازالوا على قيد
الدراسة وعليهم مصاريف كثيرة.وانا قدمت في جهات
كثيرة بس حتى الان ما اتصلوا في ولا حتى (مسكول )
انا خريج بكالريوس علوم كمبيوتر وعندي خبرة سنة بدبي
ممكن اشتغل حتى ولو في غير مجالي
وايضا عندي رخصة قيادة (دبي)
(من فرج كربة عن اخيه فرج الله عنه كربة من كرب يوم القيامة )
ارجوا الاهتمام
4 thoughts on “ابغى وظيفة”
Comments are closed.
إخوي لاتخلي مكان فر السيفي في كل مكان وإنته بعد من دبي يعني بتحصل شاغر إن شاء الله
عندك برنامج الإمارات لتطوير الكوادر الوطنية
:: برنامج الإمارات لتطوير الكوادر الوطنية ::
هذيل قبل سنة طرشوني كلية طيران الامارات وعقبها إشتغلت في المطار
عندك بعد تنمية
Welcome to Tanmia
نظامهم حلو تسجل عندهم ويكون عندك يوزر وباسورد وعقبها تقدر تشوف الشواغر اللي عندهم
واللي تناسبك وتقدم وعقب يزقرونك للمقابلة بس حاسب اذا ماسرت المقابلة تنمية يكنسلون
إسمك من عندهم
ربيعي يحب يسير الدواير الحكومية ويقدم سار هيئة الطرق وعقبها بشهر زقروه
والحين يشتغل
عندك أنا سرت معرض الوظايف اللي طاف وعقب 4 تيام حصلت فرصة في مؤسسة مطارات دبي
وإشتغلت ويتني إتصالات وايد
من مجموعة ماجد الفطيم ومن كارفور ومن دائرة السياحة ومن بنك دبي الاسلامي ومن مركز الفطيم
للتدريب
ومن السوق الحرة في مطار دبي
ومن الجنسية والجوازات وقابلة الضباط بس قالوا لازم اسير معسكر في الشارجة وأتم هناك
3 شهور والدوام في المطار قتلهم صعبه لو المعسكر في دبي عادي قالولي يمكن يطرشونك
راس الخيمه لان العسكري مسير مب مخير عرفت
مطار دبي يباله صبر لان فيه مشااااااااااااااااااااااكل وايد أنا عاد ماصبرت كملت شهر ونص وإستقلت
في مؤسسة مطارات دبي ونفس الحالة في طيران الامارات شهر ونص وإستقلت
والحين يالس بلا شغل ورديت أقدم للجهات اللي طلبت منهم يكنسلون إسمي من عندهم
مثل الكوادر الوطنية وتنمية
إخوي خذ النصيحة من إخوك أنا عمري 25 سنة ومريت بمواقف وايد من كثر ماسرت مقابلات
قول سرت فوق 20 مقابلة صح بعضهم ماقبلوني وحصلت 3 فرص وإشتغلت بس الشغل يباله صبر
يباله تحمل وخبرت تنمية عن الفرص قالولي لازم تصبر ولين الحين أعاني من هاي المشكلة
أتم شهر ونص وأطلع ماطول وأستفدت من المقابلات وايد خبروني عن الأشياء اللي المفروض أسويها
واللي المفروض ماقولها
لازم إتم وراهم إحشرهم هيه إحشرهم تم وراهم سيرلهم الشغل يباله مراكض مابقولك بتسمع كلام
حلو منهم بتسمع كلام ساعات مايعيبك مثلا مركز الفطيم للتدريب إتصلت قالولي النتيجة عقب
إسبوع عقب إسبوع أتصلت فيني مال الرسبشن قالت ماقبلوك !!
وعقب عصبت قتلهم جان قتولي من قبل إني ضعيف في الانجليزي جان تحط سماعة التلفون
وتقول لربيعتها شو هذا فضحتونا جدام الآوادم وعقب قالت جذه مكتوب في الورقة
الله يوفقك ياخوي والسموحة منك طولت عليك هذي تقدر تجارب عشتها من سنة 2003 عقب ماتخرجت
من الثانويه العامه الحين إنشوف في جمعية الامارات والاتحاد مواطنات وشباب يشتغلون كاشير
حتى بيسئلونك تنمية اذا يهمك المستوى الوظيفي
ونصايح إن شاء الله تستفيد منها ^_^
بالتوفيج ان شاء الله اخي الكريم ..
في بلدية عجمان قسم نظم المعلومات طالبين موظفين ممكن تتصل بالبلدية وتستفسر والله يرزق بالرزق الحلال