ابغي شركة مقاولات عشان ابني

9 thoughts on “ابغي شركة مقاولات عشان ابني”

1. أخواااااااااااني المياسي و آخر كلام

   ممكن نحن نبنيلكم الشركة مصنفه بجميع البنوووووووووووووك والأشراف مباشر ومتواصل من الأدارة .
   بنشوف المخططات أولا قبل ما نعطيكم اي سعر

   المرج الأزرق للنقليات والمقاولات العامة
   الظاهر لتوريد وتركيب الحجر الطبيعي والصناعي والباسكو والكاربستون وأعمال الديكور .
   0552475555

2. البنا تراه عادي مب صدحت راس بس انته لازم تخطط طريقة سير العمل قبل كل شي وتشوف من المقول الباطن الي بيمسك البند مثلا بند الخرسانة و بند الطابوق بند البلاستر بند الكهرباء ….

   بعد بنند الخرسانة اذا طلع العظم كل شي مسخرة وانته بتضحك عليه ………… وان صحك نصيحه لوجه الله لا تبخل في العامل الي بسويك شغل درجه اولى …مثلا عندك بند البلاط والرخام اذا يبتلك واحد تعبان يسويك بند البلاط عشان انه ارخص بخرب البلاط عليك وترد تكسره على حسابك شوفلك واحد زين واسال عليه في محلات البلاط مثلا او اسال محلات البلاط الجيده وليس التعبانه وبدلوك على ناس ممتازين مثل المهند وناصر والسلطان والزرعوني …

   اعرف واحد ركب متر الرخام ب60 درهم معن تركيبه اقل بوايد بس لانه ماخذ رخام غالي جدا ياب واحد فنان وطلع الرخام تحفه ماشاء الله يعني فوسه ماراحت……..

   والبلاستر الفلة الخارجي لاتسويه ( بكلف صبغ وبلاستر على الفاضي وتي بعد اربع ولا 5 سنوات بتشوفه متشقق ومقشر) سو حجر من عند توب ستون صح انه اغلى عن السوق بس ب5 دراهم فقط وممكن يكون نفس الشي بس حجرهم ممتاز وقوي ومعالج بطريه ممتازة وعن التركيب عندهم ناس يركبون ممتازين بسويك الفله وحتى بدون ماتابعه بس شغل ماشاء الله ………. فلا تبخل فى العامل الفاهم لانه يريحك على اخر شي …….. ولا تلف 50مرة في السوق شوف متوسط السعر و درجه فهم العامل الي بسويك البند ……… الفلوس الي بتدفها للمقاول كربح بتحطها في مواد افضل وجوده افضل وعمال افضل بدل ماتروح لمخباته . ويبلك عمال اي كلام

   سو فلتك بروحك ابرك لك بعدين في شركات تشتغل بالباطن من دبي والشارقة شوف لك وحده منهم وتفاهم معاه على الفلوس ولا تعطيهم شي قبل مايحفر لك ويبدأ الشغل الفعلي خاصة في موضوع الخرسانه اذا ماضبت موضوع الخراسنه بتتعب وممكن شراكات تشل فلوسك …………. وبقول لك شي و بدون زعل ….. مافي ريال غير الي عنده فلوس في مخباته في موضوع البناء لان الكلام المعسول كثير بس مافي عسل يطلع سم لا تعطي فلوسك لحد بدون ضمانات واحسن ضمانه انه يبني لك نسبة كذا تعطيه كذا …. بعد الخرسانة الامور كثير سهلة بشكل ماتتصورها ….

   وشكرا

3. موفق بإذن الله … لك مني أجمل تحية .

4. الله يوفقك اخوي وانا نفس الشي نزلت من فتره موضوع بخصوص البنا وحصلت شركة اسمها قمة المدينه واتفقنا على السعر بس للاسف يلست 3 اشهر والريال يماطل ويوعدني باكر وبعده وكل يوم يقولي انا مشغول وعندي ظرف بالاخير قلته انت تبغى تشتغل والا تلعب علي صدق تضايقت منه والله ومن اسلوبه كل يوم اتواعد معاه عند الاستشاري وافضي نفسي عشانه وهو مايرد على اتصالاتي او يعتذر عن الحضور بالنهايه

   المهم بالاخير يلس يقولي والله المهندس مسافر وانا ماعندي مهندس سبحان الله عقب عرفت انه مفضي الشركه وعمالها عشان يبني مشاريع تخص صاحب الشركه!!!!!!

   انزين ياخوي وين الامانه والذمه وكلام الرجال؟؟!!!!

   ماتبغى تبني ارمس من اول بدال اللف والدوران وبدال ماتكرهني فيك وبشركتك والبنا كله!!!!

   ماقول ياخوي الا اللي يرحمك من النصابين والشركات التعبانه اللي تغشك وتتلاعب في اعصابك وفلوسك

Comments are closed.