السلام عليكم اخواني انا داخل على تشطيب والصراحه كنت محتار بين الرخام والجرانيت للصاله والغرف حصلت رخام سعودي المتر مربع 95 درهم عند سري الدين واما الجرانيت في عماني وسعودي شو تنصحوني حد فيكم مجرب جرانيت او رخام وبسعر معقول وفي نفس الوقت مرتاح منه ياليت اتفيدوني وماخاب من استشار
9 thoughts on “ابغي مساعدتكم في اختيار تشطيبات بيتي”
Comments are closed.
الله يوفقك ان شاء الله وانا بنظري السيراميك احسن
واللة يا خوي انصحك تاخذ جرانيت راس الخيمة انا مركب في الفيلا لا يتشرب ماي شرات الصيني وفية لمعه ممتازة والوان ……
انصحك اتروح المعرض مال راس الخيمة الرئيسي…………..
واللة يعينك
للصاله انا بنصحك الاسباني من مصنع سيراميك الخليج .. عندهم الوان وتصاميم جميله
للغرف نصيحتي لك بالجرانيتي (وليس الجرانيت) لأنه ارخص عن الجرانيت والرخام من مصنع سيراميك راس الخيمه .. سعره معقول ونوعيته جيده
او
الخشب للغرف .. في محلات وايد في بوظبي
أخوي بو أحمد،
في الرخام و الجرانيت، ما في شي إسمه هل السعودي أحسن عن العماني و العكس و ذلك للأسباب التاليه:
1- الرخام طبيعي و مب مصنوع في المصنع عشان نقول جوده و غيره.
2- الرخام المستخلص من جبل أي دوله يأتي بعدة أنواع و ألوان، فالمقارنه بتكون بين شيئين مختلفين.
في الرخام، لازم تكون إنته (أو مصمم تثق به) اللي تشرف على إختيار البلاط و التركيب.
أعتقد إنك تقصد الرخام البيج اللي يسمونه “كريما مارفل” لأن هاللون دارج بشكل كبير في السوق و يتورد من دول وايده (بإختلاف بسيط في الشكل). بس إحذر، في أنواع كثيره من هالنوع، حتى اللي ايي من أسبانيا يمكن تلقاه مب زين. لا تغرّك قطعة السامبل اللي بتشوفها، دايما لازم تشوف البلاط اللي في الصناديق (بشكل عام طبعا).
أنا بصراحه ما أعرف الأسعار في أبوظبي، بس الشارجه فيها الأسعار أفضل و المحلات بالهبل.
إن بغيت أي مساعده خبرني، حياك في الشارجه و بلف بك على كل المحلات.
تعبت، ما أقدر أكمل.