ابغي مشورتكم شو اشتري استيشن لكزس 570 لو يوكون دينالي

9 thoughts on “ابغي مشورتكم شو اشتري استيشن لكزس 570 لو يوكون دينالي”

1. لـــــــــــــــكزس وحياتك ما يباله كلامـ

   هيبه,,, ومواصفات دلع مافي سيارة فالعالم شرات هالمواصفات,,,, وأهم نقطه جيمته فيه يعني الـ 150 ألف يلي بتزيده لا سمح الله عقب احتجت بتنردلك بسرعه وما بتتحسف عليها

   خذه وانت مغمض عيونكـ ولا تنسى تعطي كل من نصحك باللكزس لفه هههههه

2. لكزس …………

3. انصحك نصيحة من مجرب عند اخوي يوكن دينالي 2008 الحين ثلاث مرات دخل الوكالة لاسباب ميكانيكة يعني انشلت بونج

   والحين خلص الضمان وطاح في جبده اختربت عنده قطعة في الجير وقيمته 3500 درهم من غير شغل اييد

   ونسيبي عنده يوكن العادي موديل 2007 اول دفعة من كمل الموتر 200000 الحين كل يوم اعطال

   وربيعي عنده تاهو ادخله تشيكات الوكالة من كمل موتره 62000 الف ضرب عنده الجير ودفعوه 19000 الف درهم

   يعني انا اقولك خذلك لو استيشن gxr اخيرلك بترول و آيل وانت والخير رباعة

4. الفرق بين التيوتا والامريكي
   مثل الفرق ما بين الحمار و الحصان

   الامريكي عز و هيبه و قوه و مكده ولا تقولي سعره يطيح و لا شي
   و التيوتا شرات الحمار بس حق مكده
   خذلك يوكن احسن بمليون مره
   بس ترى ماشي اتريا لين ينزلن 2010
   2009 خلص عند بن حموده
   شيك ويا الكندي يمكن تحصل

5. نصيحتي لك خذلك استيشن 2010 gxr ثمانيه مع الشاشه أضن ب 210 ومن دون الشاشه تحصله 198 الف وأحسن لك من الدنالي.
   الدنالي حلو واقوى لكن لاتنسى انه امريكي , وحتى لو تقولي تبا حق استعمال , ترى اكيد في الاستعمال الاستيشن احسن لنه تويوتا وسامانه في كل مكان ولا تنسى سعره يمسك حتى بعد 10 سنين. عيب الاستيشن الوحيد انه اضعف من ناحية القوه عن الدنالي , بس مب انه مول ما يمشي , حلو الموتر للاستعمال مب الريس.

   واذا تبغي تكشخ عليك باللكزز مريحه وفخمه وقويه.

   زبدة الحديث:
   استيشن للاستعمال.
   لكزز للكشخه.
   دينالي لاتقارنه مع اللكزز وقارنه مع الاستيشن.

   والسموحه

Comments are closed.