السلام عليكم ورحمة الله وبركاته ،،،
اخواني واخواتي اعضاء المنتدى الكرام ….
انا اقترح على ريلي ان نشتري بيت في الرحبة ولا في السمحة ،،،، بس البيت ما يتملك
ونحن بحاجة ماسة للبيت ،،، ريلي مب متحمس لشراء البيت ،، يقول انه بيتسلف ويخاف البيت ينسحب بعدين ويتم يدفع ديون ل 25 سنة او اكثر
وانا مب متحملة البيت اللي ساكنه فيه ،، من مشاكل والبيت اللي انا ساكنه فيه ماشاءالله كم عايلة فيه وايد ،،
شو رايكم في مشاكل في المستقبل ولا لا
بتقولون قدموا على بيت او ارض احسن لكم
قدمنا في البداية على بيت شعبي ،، وبعد 6 سنوات غيرنا الطلب الى ارض ،، وحصلنا ارض في جنوب الشامخة ،، ويقولون الخدمات مابتي الا بعد 5 سنوات او اكثر
وسرت ديوان محمد بن زايد وكلمتهم ،، مارضوا ياخذون اوراقي على اساس انهم يبدولون الارض ببيت شعبي
وانا صدق صدق صدق تعبت من العيشة اللي انا فيها ،، ومب رايمة اتحمل اكثر
شو رايكم
محصلين بيت في السمحة ب 3 ملايين بس من غير تنازل ،،،،
بانتظار ارائكم
ودعواتكم لي بان الله يفرجها علي واسكن انا وعيالي في بيت بروحنا ،،،
السلام عليكم
واحد من الربع اشترى بيت في الشليله من اربع سنين ولليوم ما هو محصل تنازل عنه
البيت باسم المالك الأصلي والدنيا حياة وموت
انا انصحكم ان تستأجرو لكم بيت في هذه المنطقه وتستقرون فيه الى ما شاء الله
قريب بتوصل الخدمات للمناطق اللي فيها ارضكم وبعدين بتبنون عليها بيت العمر ان شاء الله
عسا الله يوفقكم .
مشكورين على نصايحكم ،، الله يجعلها في ميزان حسناتكم
ان شاءالله الله بيفرجها علينا ،،،،
انزين البيت مايتملك ابدا ،،، يعني لو دورت واسطة ولا شي ،،، بيتملك ولا
والسموحة غثيتكم ،،، وانا مالي في هالسوالف البيع والشراء ،،،،
الله كريم ان شاءالله
اختي لا تاخذين بيت من غير تنازل لأن مشاكله ما تخلص
اصبري الله بيفرجها .. تقدرون تسكنون في بيت ايجار لحد ما تنحل المشكله
الله يوفقج
مالي في هالامووور اختي بس ما املك غيير الدعاء لج وربي ايسر اموورج واموور كل مسلم