ابغي واحد له معارف في مرور شرطة دبي و يساعدني باستفسار بسيط

9 thoughts on “ابغي واحد له معارف في مرور شرطة دبي و يساعدني باستفسار بسيط”

1. يزاكم الله خير .. بروح اوقف الموتر في الحجز و امري لله و يزاكم الله خير ..

   بس قبلها بطلب الصوره و بتأكد .

   لان في ناس قالو لي ان وايد تستوي اخطاء و يحطون السياره بالغلط ..

   المشكله اني من العين و شرطة دبي ما ادلها ولا ادل وين ادارتهم ولا ادل وين الحجز مالهم ولا ادل شي

   ..

   في حد بيقدر يساعدني و يشوف لي صورة الموتر اذا هي فعلا او لا ؟؟

   و اشكركم جميعا على مروركم و تعاونكم الطيب

2. الغالي ..

   الحين القوانين الجديده جي ووايد مششدين

   وعلى ادنى سبة حجز .. ولا كله شهر وفوق ..

   رادارات كانت تزخ 140 والحين تزخ 120 والعكس .. يعني ماتعرف بالضبط شو السالفه ..

   والحجز اذا كان على رادار صعبه يتكنسل .. اما غير جي يستوي وكان ودي اساعدك ..

   انت سيرلهم هناك واتأكد ..

   لان الحين على كل شي حجز .. نص مواتر البلاد بتلاقيها محجزوه ..

   والله المستعان

   والسموحه

3. اخوي انا امس رادار في اول طريق العين دبيجنب محطة البترول زخني على 120 مع انه للعلم انه على 160 وارادر الثاني نفس الشيىء تصلت على الشرطة وخبروني انه الرادار على سرعة 120 وفوق يصور بس 2 رادار

   زين وفي خط العودة نفس الشيىء خففت سرعتي تحت 120 وصورني شو السالفة مااعرف تصلت في المرور وقالو لي رادارات جديدة على سرعة 100 على خط سريع

   سبحان الله وبحمده

   فلا تزعل اخوي بس راجع المرور احسن لك لاني انا بعد اروح وراجعهم في كلامهم

   أخوي أنا من فترة قريبة سمعت في الإذاعة ضابط من شرطة العين كان يقول ويحذر أنة رادارات طريق العين دبي بيتم تخفيض السرعة بالذات للأماكن اللي فيها تحويلات تبع التوسعة مال الشارع ……

   يمكن الرادارات اللي تطريهن من ضمن مناطق التوسعة وتم تخفيض السرعة في هالمناطق ….

4. صح اخويه مثل ما قالولك الاخوان يمكن انته زايد عن سرعه الشارع 60 ك م فعليها غرامه 1000 + حجز 30 يوم انا توني راد من المرور ماخذ ورقه حجز موتري بينحجز 60 يوم لان عندي رادارين نفس الحاله الله يعينك و يعينا اجمعين

Comments are closed.