مرحبا اخواني الكرام ..
بنتي وايدة شادة حيلها في المدرسة .. بس كله عشان عيون القطوة اللي تباها ..
سؤالي : من وين اخذلها قطوة حلوة .. تربية سنعة … اليفة ,,, تناسب عمرها مع العلم بان عمرها ست سنوات .
ومن أي مكان تنصحوني اشتريها .. وكيف طريقة التطعيم او وقايتها من الامراض والجراثيم ..
ياريت من عنده معلومات يفيدني للضرورة …..
ودمتم سالمين 
خذي الرمسه مني نحن رابين ويا القطاو
اول شي سوي فحص حساسيه لبنتج من عند دكتور اطفال ..يسوولها الفحص في دقايق و تظهر النتيجه خلال ساعات و بيقولولج اذا تحسس من القطاو و الا لا..و طبعا كل الاشياء اللي تحسس منها البنت راح تظهر في التحليل..يعني شي مفيد
اذا ما تحسس من القطاو زين توكلي على الله بس يستحسن تاخذين القطاو اللي شعرهم مب طويل عشان ما تخيس البيت شعر ..مثلا سياميه او اي فصيله ثانيه مب مشعرانيه..و طبعا طعميها عند البيطري و كل شي..و اذا مرضت على طول راجعوبها عند البيطري ..و بس خلاص ما يباله قرقعه و صدعة راس وايد
هو يمكن قصده الي يربي كلاب … الملائكه ما تدخل بيته ..
ها الي سمعناه يوم كنا صغار ..
والله انا ماعرف من وين يبت هالكلام !!
تفضل
.
.
عن كبشة بنت كعب بن مالك أن أبا قتادة دخل فسكبت له وضوءا فجاءت هرة فشربت منه فأصغى لها الإناء حتى شربت قالت كبشة فرآني أنظر إليه فقال أتعجبين يا ابنة أخي فقلت نعم فقال إن رسول الله -صلى الله عليه وسلم- قال :” إنها ليست بنجس إنها من الطوافين عليكم والطوافات “
وعن أبى هريرة قال : قال رسول الله صلى الله عليه وسلم :
” الهرة لاتقطع الصلاة لانها من متاع البيت “
عن أنس بن مالك قال :
خرج رسول الله صلى الله عليه وسلم الى أرض بالمدينة يقال لها بطحان فقال
:” يا أنس اسكب لى وضوءا ” . فسكبت له فلما قضى الرسول صلى الله عليع وسلم حاجته أقبل الى الاناء وقد أتى هر أى قط فولغ فى الاناء فوقف له الرسول صلى الله عليه وسلم وقفة حتى شرب الهر ثم سأله فقال
:” يا أنس ان الهر من متاع البيت لن يقذر شيئا ولن ينجسه”.
حبيبتي .. الناس اللي يقولون ان القطوة اتييب امراااض وبلاوي ………………….. الخ
اشهد مليون %% انهم ما ربوا قطااااااااو .. او يمكن ربوا بس محد اهتم فالقطوة من ناحية الاكل والنظافة
انا انسانه اربي قطااوو وعندي اخت
حملت وربت وبنتها الحين ما شاء الله كبيرة وماياها شي ..
اذا انتي مستعده تحافظين عـ نظافتها وتطعيماتها فـ انا اقولج توكلي على الله ^^
.
.
واذا بتاخذين خذي من ناس يربون قطااو يعني تربية منزلية لا تاخذين من اي محل ^^
> ولو بتتريين قطوتيه لين ماتربي بعطيج من البيبي …
بصراحه مافي اي خوف اذا انتي طعمتي القطه اللي تبينها ومشيتي وياها صح
مافي اي خوف ومافي اي مشكله ..
عندي ناس وايدين اعرفهم مشترين حق بناتهم وانا مشتري وحده حق اختي الصغيره من عند واحد متزوج وعنده بنات واكثر من قطة فالبيه عنده دام يطعمهم صح
واشتريها من عند عوايل مطعمينهم وكل شي احسن من المحلات خصوصا مينا بوظبي لاتشترين من اهناك
وبالتوفيق للبنت واختباراتها