مرحبا اخواني الكرام ..
بنتي وايدة شادة حيلها في المدرسة .. بس كله عشان عيون القطوة اللي تباها ..
سؤالي : من وين اخذلها قطوة حلوة .. تربية سنعة … اليفة ,,, تناسب عمرها مع العلم بان عمرها ست سنوات .
ومن أي مكان تنصحوني اشتريها .. وكيف طريقة التطعيم او وقايتها من الامراض والجراثيم ..
ياريت من عنده معلومات يفيدني للضرورة …..
ودمتم سالمين 
نصيحتي لج اختي الكريمه !!!!!!!لا تهديها القطوه فكري بشي مفيد وصحي
بعدني احترت من تناقض الكلام بس انا خذيتلها قطوة يوم كانت صغيرة والله يهديها بنتي سوت فيلم رعب للقطوة لين ما ماتت … بس الحين عقلت وكبرت افيدوني
اولا اشكر الجميع على رده واهتمامه بالموضوع ..واسفة ردي وشكري جاء متاخر لاني سافرت ورادة من فترة …
فعلا القطوه تسبب حساسيه لبعض الاشخاص بنسبة 40%
لكني اربي قطاو من زمان و لله الحمد محد صار له شي بالعكس اختي كان عندها ربو و راح عنها الحمدلله ..
اهم شي النظافه .. لازم تعتنين فيها بشكل مستمر .. الاذن تتنظف يوميا .. و التطعيمات اول بأول ..
و المكان اللي تقضي حاجتها فيه يتنظف باستمرار .. لكن حق الحمام تجنبي التراب لانه يسوي ريحه فالبيت … خذي من الجمعيات التراب الخاص بالقطاو ..
لازم تهتمين بالاكل .. لا تعطينها اي نوع من الاكل و حاولي تغيرين الاكل كل فتره عشان ما تتعود ع نوع واحد و اكثر شي عطيها دراي فود لانه الاكل العادي يسبب سهال .. خصصي جدول لها يوميا تعطينها نوع من الاكل و الاوقات …
و نصيحه اذا بتاخذين قطوه خذيها من ناس يربون قطاو مب من المحلات لانج ما تضمنين …
خذيها صغيره عشان تعرفين تعلمينها و اتدربينها ..
خصصي لها مكان للنوم لا ترقدينها عند بنتج ولا تخلينها تتنفس في ويه بنتج ..
الله يحفظكم من الامراض .. و ان شاءالله ما بييكم شي .. توكلي على الله انتي ..
اهم شي خذيها و هي تامه الرضاعه على الاقل شهر و نص عشان تكون خاليه من الامراض و عندها مناعه ..
اتمنى اني فدتج بشي ..
ربي يوفق
بالتوفيييييييييييق