السلام عليكم
جماعة الخير
بختصار
مليت من يلسة البيت
لاشغل ولا مشغلة لمدة سنتين
بعد طول تفكير ققرت اني اداوم في ادنوك
ماعندي خلفية كبيرة عن الموضوع
انا من الشارجة
عندي دبلوم ادارة اعمال من معهد الشارجة بس تعتبر شهادة فنية معادلينها مع الثانوية الصناعية
الحمدلله حالتي المادية وايد زينة بس ابي اداوم عشان اكتسب ثقة بنفسي واطلع من جو البطالة
الي يقدر يفيدني بشي او يساعدني في ترتيب الوظيفة في ادنوك بكون له شاكر
موقعهم الالكتروني
أرقامهم
شركة بترول أبوظبي الوطنية
ص.ب: 898 – أبوظبي
الإمارات العربية المتحدة
ت:6020000-2-971+
فاكس: 6023389-2-971+
تنمية بيفيدونك ان شاء الله
موقعهم الالكتروني
ارقامهم:
أوقات الدوام : من الأحد إلى الخميس ، 7:30 صباحا و حتى 2:30 الظهر.
يمكنك استخدام البيانات التالية للاتصال بنا:
الانسة/ علياء أحمد – ضابط الجودة
هاتف: 2985588-009714
فاكس: 2985050-009714
البريد الإلكتروني : contactus@tanmia.org.ae
العنوان البريدي: هيئة تنمية و توظيف الموارد البشرية الوطنية
ص.ب: 90505 دبي الإمارات العربية المتحدة
وأسأل الله جل في علاه أن ييسر أمرك انه القادر عليه
وصلى الله على نبينا محمد وعلى اله وصحبه وسلم
الي يسأل يحصل
و إن شاء الله حد بيرد عليك
ازمة الشغل عندنا مش حقيقية
و إن شاء الله الأمور تتغير للأحسن
قول سنتين وانا متعذب امسات متصلين فيني الموارد البشرية مستغربين اونه بعدك ماتوضفت
دواير الشارجة الحكومية تعرف حد فيها توضفت ماتعرف اتريا
لا واحلى شي تلفزيون الشارجة يوم سرت اقدم عندهم والله ماشفت مواطن من دخلت كلهم …..
وانا مثل ماقلت الحمدلله حالتي المادية زينة سيارة واشترالي الوالد اي مصاريف ثانية ادريبه مابيقصر الله يطولي بعمره لاكن خاطري اتعب انا على شي واحصله
غير يوم تتعب وتوصل لشي تبيه تحس بحلاوته وجيمته
الصراحة انا حاب اداوم في ادنوك وندمان لاني ماحاولت اداوم هناك من زمان
وبالنسبة لحقل الغاز الي في الشارجة هذا بالذات ماسمعت عنه بحاول استفسر
اذكر قبل سنتين قدمت في شركة غاز في الشارجة ان ماخاب ضني دانة غاز او شي جي اسمها
المهم مسؤلة التوظيف مواطنة قالت لنا اذكر انهم حالياً مايقدرون يستقبلون موظفين ماعندهم خبرة ل 3 سنين جدام ههههه و اونه هي بتخلي ال CV مالي عندها
بتريا لين سنة 2010 اذا الله احيانا يمكن بيتصلون فيني
وبالنسبة اني اخلي الشارجة واسير اداوم في بوظبي مسألة فكرت فيها
اعرف انه اول الايام بتعب خاصةً انه ماعندي معارف هناك وبين فترة وفترة بس بقدر ارجع الشارجة
بس في نفس الوقت اشوفه شي حلو يعلم الواحد يعتمد على نفسه في وايد اشياء
واذا الله كاتبلي اداوم في ادنوك ان شاء الله بداوم والي مكتوب لي انا راضي فيه
يعني سنتين يالس ومره وحده تبا تداوم في ادنوك ؟
يعني تبا تطلع من الشارجه وتشتغل في ابوظبي ؟
اخوي دام حالتك المادية زينة مثل ما تقول عيل ليش ما تشتغل بالشارجه ؟
شوف لك اي مكان بالشارجه وابدأ من هناك وخطوه خطوه راح تتطور
اعتقد في حقل غاز تابع للشارجة اسمه الصجعه اذا ماكنت غلطان
جرب قدم عندهم وان شاء الله يوافقون عليك على الاقل تكون قريب من بيتكم
ولا شو رايك ؟
^_^
حرااااااااااااااااااااام سنتين في البيت بدون شغل
عندك معرض الوظايف بيسونه في دبي الشهر الياي إستغل الفرصة وقدم
إخوي إتصل فيهم في قسم الموارد البشرية وإن شاء الله الشباب في المنتدى
مابيقصرون وأكيد عندهم تجارب ويا أدنوك