ابي افتح شركه للمقاولات كيف ابتدي مااعرف

19 thoughts on “ابي افتح شركه للمقاولات كيف ابتدي مااعرف”

1. السلام عليكم ورحمة الله وبركاته

   والله الشباب يمكن وضحوا الكثير وأكدوا على عدم فتح الشركه بدون علم

   بس أنا عندي شركه صارت أكثر من 6 سنوات وتصنفحت من سنتين علشان أمسك مشاريع حكومية وفلل بنك الخليج الأول

   بس ليج معلومات حطيها في ذهنج

   إذا تريد تفتح شركة مقاولات لازم يكون عندك راس مال ما يقل عن 300 ألف علشان تبدى صح في المشاريع الصغيره وإذا ما عندك تقدر تدخل كمقاول ثانوي في مشاريع الأصغر بس دخلها بيكون محدود وصغير بس ربحها مضمون

   المقاول الثانوي لازم يعتمد على كثرة العاملين في المؤوسسة وهذي بحد ذاتها مشكله لأن الشخص الواحد بيكلف من 4 إلى 6 آلاف ويحتاجون أقل شي سكن خاص ووسيلة نقل مكيفه وطبعا مستحيل العمل والعمال من أول ما تفتح يعطوك أكثر من 3 عمال وكل ما توقع عقد عندهم لمشاريع يحطون نقطه عندهم بعدد العمال ويمكن خلال سنه أو سنتين يعطوك سبع عمال

   أي بالأخير ما بتحصل المراد من الربح السريع إلى بعد ما تتعب وااااااااااااااااااايد من خلال المشاريع الصغيره

   أما إذا تريد تاخذ مقاول رئيسي إهني ما تحتاج عمال نهائيا فقط مهندس وفورمن فاهم في السوق بس لازم تصنف شركة ومثل ما قالوا الشباب التصنيف يحتاج 500 ألف درهم تكون في حساب الشركة فقط لمدة 3 أيام ومهندس مر على شهادته 3 سنوات من التخريج

   وهني بتكون إنت المقاول الرئيسي ويتوقع عقود مع مقاولين باطن أو مقاول ثانوي وهني إنت بتكون مسؤول مسئولية كبيره عن جميع الأعمال المنفذه من قبل المالك والجهه المووله والبلدية

   وإذا في أي أستفسار أو شركتكم في العين مستعد المساعده في عقود باطنيه

   0507734554

2. مب انا زوجي

   يريد يفتح شركة مقاولات

   بس كيف نبتدي

   ونبي انسوي دراسه جدوى

   وماانعرف كم بيكلف؟

   فيلي عنده خبرة لايقصر معانا

   سلام وعليكم ورحمة اللة
   باختصار شديد الاهم قبل اى شيء فى شركة المقاولات الان هو المشاريع ( الشغل ) يعنى لو بداية كشركة مقاولات تكون تملكين فلة او اتنين للبداية واى شيئ تانى موجود وتقدرى تتحصلى علية بسهولة
   انا مهندس مدنى وعلى استعداد لبدء المشروع سويا على ان يكون مسؤلية العمل والادارة تجاهى وتكون تكاليف التاسيس والمشروع اقصد فيلا او اتنين تجاهكم ومن بعد بيمشى الموضوع وبيصير خير انشاء اللة
   لمزيد من الاستفسار يرجى التواصل
   eng_osos@yahoo.com
   050 9787eng
   eng osamaaaaaaaaaaaaaaaaaaaaaa

3. وأهم شئ يكون علاقة طيبة مع المقاولين لجلب عمل بعقد الباطن وبيكون رخصة مقاولات صيانة العامة أحسن حتى تقدري تشتغلي حتى في البرج بعقد الباطن لأن رخصة صيانة العامة من فئة ممتازة وتقدري تشتغلي في أي امارة

4. السالفة جدا سهل ما عليج الا تروحين البلدية وتجولين لهم ابي رخصة مقاولات وراح يعطونج بعد اجراءات بسيطه وعقب شوفي لج شخص فاهم بالمقاولات هندي او باكستاني يكون فورمن وعقب هو راح يب لج الشغل عن طريقة او عن طريق المعارف والله يوفجج

Comments are closed.