السلام عليكم
افكر افتح مطعم في دبي وبغيت اعرف شو العقبات الي بتواجهني في هالشي
يا ريت اخواني وخواتي الي داخلين في نفس المجال ايساعدوني وايفيدوني
سالت وقالولي اطلع رخصه وعقب موافقه من البلديه وعقب لازم اعطيهم تخطيط عن المطعم الصراحه ما اعرف ليش والموظفه ما اتعرف؟!
وبالنسبه للي سمعته ان الاغليبه يتبهدلون مع العمل والعمال ونفس الوقت مع قسم الرقابه في البلديه لانهم غير متعاونين فياريت لو اصححون لي المعلومه اذا هي مغلوطه
وشو اكثر شي بتبهدل فيه كوني بنت، واكثر المصاريف بتكون على شو هل على الديكور ولا العمال ولا على الاكل!
وبالنسبه للحسابات هل في سستم معين تستخدمونه او ممكن تنصحون فيه
والشركات الي تنصحوني وما تنصحوني اتعامل معاها
جني وايد سالت ^_^
شكرا
موفــــــــــــــــــقة ………… وان شاء الله الاعضاء يفيدونج
بسم الله الرحمن الرحيم
مخطط المطعم تاخذيه من المالك ، وهو شي ضروري عشان الدفاع المدني
في شروط مطلوبة منك لازم تسويها مثل الجدران لازم تكون كاشي مصيدة الدهون .. الخ وبالنسبة للدفاع المدني عدد الطفايات وكاشف الدخان والحرارة … الخ والموافقة بعد التفتيش. الموضوع مش معقد اذا شفتي شركة صيانة وديكور فاهمة الموضوع
السلام عليكم,,
اختي ان شاءالله اقدر افيدج
من اسالتج مبين مب حاسبة المشروع من كل نواحيه مثلا في فترة يمكن شهرين او ثلاثة وانتي بعدج تراكضين عشان تحصلي على التراخيص وصح مثل ما قالولج السالفة وايد معقدة من واقع خبرة
شو نوعية المطعم ؟ هندي, عربي, غربي درجة اولي او ثانية او ثالثة
العمال من وين
عندج حد يدير المطعم
هذا غير المصاريف عشان تحصلي على التراخيص
لا املك غيير اني ادعييلج بالتوفييق الغاليه مالي في هالمجال