ابي افتح مطعم

21 thoughts on “ابي افتح مطعم”

1. حبوبة انت بنية .. و واضح انج شايلة المشروع بروحج..
   ان انصحج بأن تغضين النظر عن اي مشروع فيه اختلاط ..
   لو تتجهين لفتح صالون او خياط ستايل او محل عبي..وااايد ابرك عالاقل الزباين المستهدفة هم حريم و بس..
   نصيحة ابتعدي عن اي مشروع في تعامل مع الجنس الخشـــــــــــــــن …عوار راس ماله نهاية ..

2. شكرا على التشجيع المبهر

   بس الي يبا الصلاه ما اتفوته

   والعبد يسعى والله ايسر له اموره ^_^

   و اللي تبا المطعــم ما تفوتها ادارة المطــعم..
   .
   بما انج ما تسمعين لنصايح المينــون كويللو..
   عيل اتوكلي على الله..
   .
   .

   بالنســبة للمحل المطلوب:
   دراسة الفئه المستهدفـه او زبائن المشروع :

   يعني ممكن تفتحين مطعم في الصناعية و بتنجحين اذا زباينج العمال..و تتفقين مع كذا شركة و اتسوين لهم وجبات قوم 6 دراهم..يوميا بتبيعين 5000 وجبة على الاقل فيوميا بتربحين 5000 درهم… اذا هنود موظفين شوفي وين اماكن تجمعهم..يعني اذا في الشارجه عليج بالرولــة و حوالينها.. اذا في دبي في عدة اماكن..مثل نايف – مينا بازار – الكرامه – و صوب شارع خالد بن الوليد..و اذا سياح عليج بامارات مول و الا دبي مول او سيتي سنتر..فيستفل سيتي..و ممكن صحارى مول في الشارجــه.. اذا مواطنين شوفي مكان ممكن يوصل له بالسهوله لانه نحب كل شي ايزي او مركز تجاري..او بعض الفنادق في شارع الشيخ زايد..
   الخطوات الثانية بعد تحديد نوعية الزباين :

   – المحل لابد يكون في موقع مميز و زحمة و ايجار محل مناسب ..
   – تجهيز المحل.. الديكور حسب الموقع..
   – رخصه بلديه..
   – مكتب عمل..
   .
   المصاريف:
   -مصروفات المحل اليومية و الشهرية ..
   – قيمة الايجار..
   – رواتب العمال..
   – كهرباء
   – غاز- مشتريات المطعم..
   .
   ادارة المطعــم
   الشــيف و المطبخ اهم شي في اي مطعم
   الشيف من وين بتيبينــه.
   .
   موظف كاشـير و مدير المطعم يا انتي اتكونين 24 ساعه لانج تبين المطعم و على قولتج اللي تبا المطعم ما تفوتها ادارة المطعم..علشان تحويلين الارباح يوميا للبنك…حطي في بالج ادارة المطعم نفس صالون نسائي في بدايتها..لين ما يكون عندج ادارة قويه و امينــه..
   بما معناه ممكن زبون ياكل و يشرب و يدفع و الفلوس ما بتدخل في حساب المطعم الكاشير ممكن يسرق المبلغ و لو اتحطين نظام صارم اذا اشترك مع اي جرســون..
   .
   .
   اما موضوع الرخصــة و الموافقات كلها بسيطة ممكن اتشوفين اي مكتب تخليص بيخلص لج الموضوع خلال ايام..و اذا في دبي انا حاضــر بعرفج على مكتب بيخلص لج كل شي ..بس للأسف ما بيدير لج المطعم..و ببلاش علشان ما يفوتج المطعم..

   .
   .
   الحينه اكتبي لي انتــه كــده …لاني اشجعج !!

3. اقووولج … يمدحون escape life في الفلافل … تراها معلمة فلافل

   أسووولف وياج .. الله يوفقج .. والحمدلله في أعضاء فيهم الخير .. وبيفيدوج إن شاااء الله

   أهم شي خبرينا متى الافتتاح وسوي لنا تخفيضات

   مالي في هالسوالف وبعدين ما احب الفلافل اصلا ^_^

   وانشالله بخبركم وبسويلج خصم من هالعين *_^ قبل هالعين ^_*

4. حزرتك ناويــه على أيــه..
   هو مدير البنك ما ألكش يا بت عليك مديونيه؟؟ و الا كووول ليله و بتحلمي انك عائده فو طربيــزة الكاشير في المطعم و اتخلصي الدين؟؟
   آيييييواه ده باقه حلم و احلمي زي منتي عااوزه…
   اوعه تفتحي مطعم فول و طعميه و يركض وراكي مدير البنك..
   .
   أعديين ليه ما اتوموو و تراوحــوا…
   .
   خذي بنصيحة ” المجــنون باولو كويللو”
   و بتحصلين النصيحه في كتاب – مكتــوب – الصفـحة 36 .
   خلاصـة نصيحــة المجنـون – لقد سرنا بسرعه حتى لم نعد نعرف ما الذي نفعلـــه..علينا أن ننتظــر الآن أن تلحــق بنا أرواحنا –

   و ربي يوفقج

   شكرا على التشجيع المبهر

   بس الي يبا الصلاه ما اتفوته

   والعبد يسعى والله ايسر له اموره ^_^

5. بسم الله الرحمن الرحيم

   مخطط المطعم تاخذيه من المالك ، وهو شي ضروري عشان الدفاع المدني
   في شروط مطلوبة منك لازم تسويها مثل الجدران لازم تكون كاشي مصيدة الدهون .. الخ وبالنسبة للدفاع المدني عدد الطفايات وكاشف الدخان والحرارة … الخ والموافقة بعد التفتيش. الموضوع مش معقد اذا شفتي شركة صيانة وديكور فاهمة الموضوع

   هل اتعرف شركه ديكور فاهمه الموضوع ^_^

Comments are closed.