بسم الله الرحمن الرحيم
أخواني ف المنتدى يمكت هذي اول مشاركة لي ف القسم
وأنشالله استفيد منكم ::-
انا طالب ف الصف الحادي عشر (( ثاني ثنوي ))
وحاب اني اطلع بعثة لغة برع على حسابي
بس ويعني ياريت يلي يعرف اي شي عن ها الموظوع مايبخل علي
لأن بصرااحة ها الوقت بدون لغة مايمشي سووقك
وانشالله تساعدوني وتلاقولي المعلومات مثل ::-
1- السعر
2- المعاهد
3- المكان
4- طريقة العيش (( بين عايلة .. ولا معهد ))
ومشكورين وماتقصرون
للتواصل ف الرسائل الخاصة ^^
مرحبا
ياخويه افضل المعاهد فالعالم موجوده عدنا هنيه فالدوله
وصح بقولك انه بتتعلم اكثر واكثير لما انك تسافر وتتكلم هاللغه بشكل كامل اكيد بيكون التعليم والتأثير عليك غير
لاكن تبا نصيحتي
مانحصك نصيحه اخو يعني
سمعت قبل فتره عن شباب كثير سارو ولي صارت لهم مشاكل و ..و الخ.
لاكن لو معاك رفاق ومرافقين على طول معاك ممكن هالشي والحافظ الله
وفي بعثات حسب علمي لبريطانيا
واستراليا
لمده 40 يوم اعتقد
اذكر على ايامي سار واحد من الشباب لاستراليا وسكن مع عيله وكان كل شي على حساب الدوله اضن او اذا ماكان جيه دفعوه 10 الاف درهم فقط رسوم كل شي
ممكن انك تكلم مدرستك او تكلم المنطقه التعليميه عن هالشي
وهالدورات تكون فالعاده فالصيف
شهر 6 و 7 و 8
بس هالسنه ماضن بيمديك لنه رمضان بيصادف 11-8
وحسب علمي طلاب المدراس امتحانتهم بتنتهي على 20-6 تقريبا
وربي يوفقك ان شاء الله
ربي يوفقك ان شاء الله لان نييتك سلييمه
ادعييلك من كل قلبي بالتوفييق
أنت تقصد السفر للحصول على اللغة مب بعثة دراسية صح
والله شيء معاهد وايد أفضل الأماكن بريطانيا
طيبين – محترمين – ملتزمين إلخ …
1- السعر على حسب المعهد وتبدا من 10 لين 40 الف لأنه في اختلاف بين ساعات الدراسة كثيف وغيره والأسعار دوم شامله التذكره + الأكل + الطلعات والرحلات
2- المعاهد
3- المكان مثل ماقلت لك بريطانيا وتحديدا لندن وعندك الشمال والجنوب فيه معاهد قوية ومشهوره
4- طريقة العيش (( بين عايلة .. ولا معهد )) على حسب المعهد بس أنصحك لا يخلونك عند عيوز هههههههه أنت تختار الي تباه لو حاب جروبات روح المعهد وبيكون السكن على نظام سكن الجامعيين جيه ويختلف طبعا من معهد لآخر أما لو ناوي بروحك وتعيش حياتهم شوفلك عايله ويلس وياهم
بس أهم شيء أخوي
أنك تحافظ على أداء الصلوات وهم فيهم ميزة أنهم مب عنصريين شرات أخوانا الأمريكان
تكون نيتك للتعلم لأنك والله لو تروح أقوى معهد وتيلس شرات الطبل ع الطاولة بترد نفس مارديت
ف البداية بتحس بنوع من الأحراج والخجل بس بتتعود وبتمشي وياك
الأسعار اللي فوق من شهر إلى 3 شهور واسعار الجروبات أرخص من العوايل
لما تدور معهد أهم شيء تشوف ختم الـBritish Council موجود ^^
أنصحك بالتواصل مع الـ British Council وإن شاء الله ما بيقصرون
/
ولد زايد
بسم الله الرحمن الرحيم
مشكور أخوي ع المعلومات الطيبة
بس انا بعدني ماتخرجت من الثنوية العامة انا بعدني ثاني ثنوي
يعني الدورة يلي ابابهاتكون بالكثير مدتها 50 يوم … بعثة لغة انجليزية
ومشكووور وماتقصر
اخوي البعثات كثير في الدولة
ليش تطلع على حسابك
طال عمر الشيوخ ما قصروا
عندك – بعثات ادنوك ووزارة شؤون الرئاسة وجهاز ابوظبي للاستثمار والنووي وغيرها الكثير