السلام عليكم
في سؤال امحيرني ومب لاقيه له جواب
ما اعرف اذا هالشي يستوي وياكم ولا لا
مممممممممممممممم
في ناس اشوفهم اول مره بس من الله ما ارتاح لهم وما اداني ارمسهم مع انهم ما ضروني ولا قالولي شي
هالشي يتكرر وايد ومب فاهمه شو سببه
ونفس الشي في اسامي ما ادانيها ما اتدش خاطري يمكن صاحب او صاحبه الاسم اتكون انسانه طيبه ومحترمه بس بعاد ما اروم ابلع الشخص لو شو ما حاولت
مب من طبعي احكم على الناس من النظره الاولى بس
جد مره قلتو ما برمس فلان لان مب داش خاطري؟؟ ولا هالشي بس يستوي وياي انا؟!
وذا كان يستوي ليش؟؟ ابي جواب
شو الشي الي ايخلنا ما نتقبل ناس ما انعرفهم كشكل او كصوت او كاسلوب
^_^
الصراحه كلامك حلو ^_^ وشكرا على المعلومه المفيده اسعدتني
انا عن رايي اشوف انه من الغلط نحكم على الواحد من شكله ,لان يمكن حتى نحنا الناس تحكم علينا من شكلنا وتظلمنا فهذا المبداء غلط ,انا عن نفسي وايد ظلمت ناس من اشكالها لكن عقب اكتشفت ويا الزمن والعشرة انهم من اخير واحسن الناس في التعامل والاخلاق ,وايد ناس اتلاقيت وياها اشكالها حلوة وجميلة ومرتبين في كل شي بس من داخل فاظية وعقول صغيرة ,فغلط ان الواحد يحكم على الناس بشكلها او لبسها ,والانسان ينعرف ويا الوقت والايام عند المواقف سواء كانت صغيرة او كبيرة وينعرف من لسانه والامور الي يتكلم فيها ,والسموحة منكم اخواني
خذي الواحد على قد عقله
تراه الناس أجناس .. شوفي اصبوعج نفس الشي ؟؟ طبعاً لا
والناس فيهم الزين وفيهم الشين
مب شرط المظهر .. يمكن الواحد مظهره تعبان بس أسلوبه حلو .. وفي واحد مظهره حلو بس أسلوبه تعبان وماله شخصيه
والناس مب كلهم واحد
سبحان الله دي فينا كلنا
لكن على فكرة ممكن تقابلى شخص وتنفري منه وتحسي بعدم راحه بالتعامل معاه
لكن فى نفس الوقت ممكن شخص تاني تعرفيه وتتعاملي معاه وترتاحي له ويكون بيتعامل مع نفس الشخص اللي بتنفري منه ويكون كمان مرتاح معاه
ولكنك داخليا بتحسي بنفور.
وعن تجربة ايضا اللى بنفر منه وبحس انه مش كويس بعد ايام ومع الوقت بتأكد من ان احساسي كان صح ولكن مرات نادرة ما بيصدق الاحساس
وشكرا لموضوعك الجميل