السلام عليكم اخواني واخواتي :
صراحة عندي موضوع خاص ابي رايكم فيه, صراحة في وحدة استشارتني في موضوع خاص جدا وانا ما عرفت شو اقلها
الاخت وصلت لسن ال 30 وتبي تتزوج , المهم الخطاب كانوا يجوها وما يردون ومؤخرا وصلت لمرحلة مصيرية للسبب التالي
تقدم لها شخصان جادين في الزواج
الاول مواطن اماراتي متزوج ولديه 3 ابناء وسبب الزواج مشاكل عائلية مع زوجته وهو متعلم وجامعي ودخله ممتاز
الثاني غير مواطن عربي من جنسية هي متعودة عليها لانها من نفس اصلها واصل اهلها والريال خريج ثانوي ووظيفته عادية وراتبه لايزيد عن 4000 درهم لكنه غير متزوج
والبنت مواطنة وجامعية وتشتغل وراتبها ممتاز جدا وهي محتارة ما تقدر تقرر في الموضوع فاستشارتني وانا وعدتها افكر عدل وارد عليها
فقلت اخذ رايكم في الموضوع واتمنى من اصحاب الخبرة من اخواتنا المواطنات بالخصوص والمواطنين يعطوني اراؤهم بكل شفافية لان الموضوع مصيري ولازم تقرر خلال اسبوع واحد
انتظر ردودكم
انا مابسير بعيد
اختي عمرها 30 سنة ومن شهرين مالجة ريال عنده مب 3 عيال لا عنده 6 عيال
وموفق بينها وبين حرمته الاولى والحمدالله مستانسة ومرتاحه وعمرها ماشتكت بتقصير منه
يعني اذا الريال كان قادر ان يوفق بين حريمه خله ياخذ 4 هب 2 بس ..
اما انا عمري 22 ومواطنة واتقدملي وافد … وراتبه عالي
لكن راتبه لو كان مليون انا مابي اظلم عيالي .. ابيهم يعيشون وياخذون حقوقهم كاملة ف بلادهم شراتي
لاتخلي تفكيرها كلها في نفسها وخلاص ابا اعرس لاااا .. محد بياخذ الا نصيبه في هالدنيا
و ف الاول والاخير الاستخااارة واللي استخاار ربه ماندم
وربي ان شاء الله يوفقهاااا وتاخذ الانسان الصح .. وخلها تفكر ف كل الجوانب
بما انها خلاص مواطنه من الافضل انها تاخذ المواطن هالشي مب عنصريين ولكن تفكر بمستقبلها ومستقبل عيالها وحقوقهم ….
عليج بابن البلد علشان ماتلتهين بعدين في المحاكم والجوازات وإن شاء الله بتتيسر الامور وعليج بصلاة الاستخاره
أول شي بغيت أرد ع كلمه في البدايه طرحها الأخ الكريم
مسمى (معنسه)
مسمى ماله داعي وفيه تقليل لوجودها كأنها وصلت لسن خلاص تنتهي فيه صلاحيتها ترى العمر شي نسبي
والزواج مب كل شي الحياه مستمره والنصيب من عند رب العالمين
و30 سنه سن الشباب والنضوج ترى حتى الشباب يتأخرون بالزواج والبنات مايقبلون بريال تعدى سن 35
بس للاسف في مجتمع المرأة صلاحيتها لحد 29 سنه وبعدها ينتهي تاريخها…
المرأه بالدول الغربيه تعدي الأربعين وبعدها شباب وحيويه..
بالأخير مسمى معنسه فيه نوع من الأحباط والتقليل
والله يوفق خواتي ويستر عليهم
،
الســَلآمَ عليــِكم ورحــْـمَة اللهِ وبركـََـَاته
عسى ربي يوفّقها ويسهـّل أمورهـا
طبعـًا نصيحتي الأولى والأخيرة .. الاستخارة ثم الاستخـارة
وتوكل الأهل يسألون عنهم أكثــر
رأيي الشخصي .. إذا كانت قنوعة وراضيـة بوضع الإماراتـي
ولمست منه حسن الأخلاق والطيب وإنه على قدر من المسؤولية وقادر على العدل بينه وبين زوجته الأولـى
فتتوكل على الله وتقبل فيه { بعد صلاة الإستخارة طبعـًا } ..
لأن مستقبلا ً أبناءها بيرتاحون
لأن الوالد مواطن وبياخذون الجوازات وأمورهم تتيسر بالدراسة والدنيا بشكل عام
لكن تعرفون وضـع الوافدين صعب ومتعب … فالإنسان يفكر بمستقبله أيضـًا
في حال ما ارتاحت لهـم .. أتمنى إنها تذكر الله وتحافظ على نفسها وتبقى منتظرة نصيبهـا
ممكن يجونها خطاب جادين لكن مالها نصيب معاهم …
الله يسهل أمورها
،
،
،