ابي شوركم في موضوع خاص (زواج)

29 thoughts on “ابي شوركم في موضوع خاص (زواج)”

1. السموحة من صاحب الموضوع بس غالبا زواج الوافدين من الإماراتية يتبعها ثلاث أمور
   1) غالبا تكون الحرمة موظفة , فـ بعد الزواج وفي يوم ومابين غمضة عين يروح الحبيب وأير هذيج السلفية وعلى ظهر الحرمة
   2) يبدى مشاريعه التجارية .. وبحكم انه وافد بيصبر على الدرهم لين يجمع المليون درهم .. وكله بأسم الحرمة لانها شووووو ؟؟؟ لانها مواطنة
   3) صار تاجر كبييير وهامور عود ,, رجع لبلاده وخذله هذيج الصبية الصغيرة

   وصارت المواطنة ام العيال الغير مواطنين تراكض حق عيالها لان منظرهم بدون جنسية امارتية وامهم من جنسية اماراتية لا يقارن بكنووز الدنيا ..

   السموحة من الكل
   بس مثل هالسيناريوهات تصير ..

   وعزموني على الزواج السعيد
   ولو كان مواطن له بوستين على الخد وبوسة على الخشم
   ولو وافد بنبارك له ببنت البلاد وبنت البلاد محد يساويها

   وفي الختااام أحلى سلااام

   اقتباس:

   من وجهة نضري تستبعد الغير مواطن
   لان العيال اللي بتيبهم بيتضررون

   بيكون ابناء مواطنات

   وحتى الان هذه الفئه

   لم تنصفها القوانين

   لا في استكمال الدراسه

   لا في الجنسيه

   لا في العمل

   فحرام تجني عليهم

   اقتباس:

   أفاد مدير عام إدارة الجنسية والإقامة بالإنابة العميد ناصر العوضي المنهالي، بأن جميع أبناء المواطنات الذين يحملون جوازات سفر وجنسيات دول أخرى غير مشمولين في عملية التسجيل الجارية حاليا، حتى لو كانوا يحملون مراسيم بالحصول على جنسية الدولة أو تم استلام طلبات تجنيسهم ومنحهم إيصال الاستفهام.

   وتلقت «الإمارات اليوم» أمس، اتصالات عدة من مواطنات متزوجات من غير مواطنين يستفسرن عن موقف أبنائهن غير المجنسين من مسألة التسجيل، خصوصاً أن كثيراً منهن تقدمن منذ سنوات لإكساب أبنائهن جنسية الدولة، وقطعن شوطاً كبيراً في إنهاء الإجراءات المطلوبة انتظاراً للموافقة النهائية.

   ……………………..
   

2. من أتاكم ترضون دينه وخلقه فزوجوه..

   قاله عليه السلام الذي أوتي جوامع الكلم ..

   ولو طبقت المجتمعات الاسلامية هذا النهج الكريم لما كان بينهم مشاكل ومحن..

   والله الموفق ..

   اللهم يسر لهذه الأخت زوج صالح يخاف الله ويتقيه وأن يجمع بينهما على خير ..

3. السموحة من صاحب الموضوع بس غالبا زواج الوافدين من الإماراتية يتبعها ثلاث أمور
   1) غالبا تكون الحرمة موظفة , فـ بعد الزواج وفي يوم ومابين غمضة عين يروح الحبيب وأير هذيج السلفية وعلى ظهر الحرمة
   2) يبدى مشاريعه التجارية .. وبحكم انه وافد بيصبر على الدرهم لين يجمع المليون درهم .. وكله بأسم الحرمة لانها شووووو ؟؟؟ لانها مواطنة
   3) صار تاجر كبييير وهامور عود ,, رجع لبلاده وخذله هذيج الصبية الصغيرة

   وصارت المواطنة ام العيال الغير مواطنين تراكض حق عيالها لان منظرهم بدون جنسية امارتية وامهم من جنسية اماراتية لا يقارن بكنووز الدنيا ..

   السموحة من الكل
   بس مثل هالسيناريوهات تصير ..

   وعزموني على الزواج السعيد
   ولو كان مواطن له بوستين على الخد وبوسة على الخشم
   ولو وافد بنبارك له ببنت البلاد وبنت البلاد محد يساويها

   وفي الختااام أحلى سلااام

4. المواطن ………. المواطن ………….المواطن

   باجر بتبهدل ريلها هب مواطن … وعيالها وافدين …. وفي الأخير بتطلق وبيفر عيالها … ولا بيشلهم عنها….وبيطالب بفلوس
   تنازل

   المحاكم متروسه قضايا

   هذا موضوع ما يباله تفكير………

   اذا هي تبا تفكر … خلها تفكر ليش هالوافد ما خطبها الا هي….

   ليش ماراح بلاده وخطب له وحده من هناك يصرف عليها … ويكد عليها من ماله الخاص …

   اما هذي المواطنة فهي بالنسبه له بنك متحرك وبيب بترول …وبتكون مثل الحفرة اللي كل ما تاخذ منها ما تخلص..

   هذا راي … واعتقد انه حقيقي ومن الواقع ……………..

   لا تبهدل عمرها ………. ولا تشاور حد ………..اذا المواطن زين وبيسعدها .. وبيضمنلها الحياة الكريمة ..

   خلها تتوكل على الله …

   واذا ما صار نصيب … خلها تتريا ولد الحلال ولد البلاد اللي ما بيطمع فيها ولا في راتبها …ولا يتريا انه يقدم عالجنسية كونه من أزواج المواطنات ….

   عداااااااااااااك العيب …

   وأظيف اذا كانت بتغامر وبتاخذ الوافد لا تفكر في يوم من الايام انها تطالب بجوازات حق عيالها …

   لأنهم ما بيعطونها وبعدين بتقول الامارات ما فيها خير ما عطت عيالي جوازات …

   لأنها كانت انانيه في البدايه وفكرت في مستقبلها بس … والله الموفق

   والسموحه على الاطاله ..

Comments are closed.