السلام عليكم
بدش بالموضوع علطول
عيد ميلاد زوجتي بعد كم من يوم وراح يكون هاليوم برمضان ان شاء الله
ومحتار شو اييبلها ومب عارف فابي البنات ولا الشباب المعرسين يخبروني شو اييبلها بالضبط
ما اعرف ابي بوكس في عدة اشيا او شو بالضبط اسويلها .. لا تقولولي حجز فندق وغيره ما ينفع لان برمضان .. بنفس الوقت العطور وجي عندها وايد..
افكر اييبلها طقم .. او خاتم واشيا ثانية بس ما اعرف
ساعدوني ويزاكم الله خير
السلام عليك اخوى….
انا مريت نفسك بالموقف هذا واحترت وايد بس الحمدالله شفت موضوع للاخت Strawberryuae وعن تغليفها الى اكثر من رايع وابصراحه لجاة لها والحمدالله والله بيضة ويهى.. انا عطيتها الميزانيه وهيه عطتنى الخيارات.. وابصراحه هيه اشترت الاغراض وغلفتهن وارسلتهن وكان شيء فوق الروعه..
وفى نقطه للامانه بقولها. بعد ما اخترت الاغراض والاخت سارت تشترى طلع فى باقى من الفلوس ولامانتها والله شاهد على الى اقوله اشترت فيهن اغراض زياده بس عشان تكمل المبلغ, ولو خذت المبلغ لها ما بعرف اصلا.
فنصيحه اخوى ارسللها ميزانيتك كم وشو الاغراض وبتحصل بياض الويه منها..
انا حاط رابط موضوع الهديه الى سوتها لى وانت شوف بنفسك واحكم.
السمووحه على الاطاله
ها طقم فرفشه اسمه جيه فرفشه عند داماس وبكم ما ادري لانى ما استمته ؟؟؟
والله يسعدككم ياااارب
عزيزي غنتوت انا لاحظت عليك وايد تحاتي ان الهدية ما راح تكون على ذوقها او هذا القبيل, صدقني الهدية عمرها ما كان لها ذوق او شيء ولكن القيمة الفعليه من الهدية ان زوجها تذكر يوم ميلادها ويابلها شيء,
وانا انصحك اذا بتشتري لها شيء حاول انك تركز على الاشياء إلي بدوم معاها وايد صدقني, مثل خاتم ذهب, هذا الخاتم يمكن يكمل معاها ل20 سنة ويكون ذكرى جميلة لعيد ميلادها.
طبعا لازم تسويلها شوي جو في الغرفه, شموع وتشتري ورد جوري احمر وتنثره في الغرفة. واهم شيء الكيكة وعليها كلام جميل.
صدقني هذا احسن شيء تسويه, وصدقني عمرها الهدية ما انقاست بسعرهاا,, الله يوفقك اخوي
ستروبري
طقم من فرفشه من داماس .. هاشو بالضبط ما فهمت وبكم؟
ولد االامارات .. اروم اييبلها عادي .. بس عيد ميلاد وساعه بهالقيمة !! وايد
عيل بعيد زواجي شبسوي
ماتقدر تشتري الساعة إلي في خاطر زوجتك حتى لو تسلفة