السلام عليكم
بدش بالموضوع علطول
عيد ميلاد زوجتي بعد كم من يوم وراح يكون هاليوم برمضان ان شاء الله
ومحتار شو اييبلها ومب عارف فابي البنات ولا الشباب المعرسين يخبروني شو اييبلها بالضبط
ما اعرف ابي بوكس في عدة اشيا او شو بالضبط اسويلها .. لا تقولولي حجز فندق وغيره ما ينفع لان برمضان .. بنفس الوقت العطور وجي عندها وايد..
افكر اييبلها طقم .. او خاتم واشيا ثانية بس ما اعرف
ساعدوني ويزاكم الله خير
السلام عليكم ورحمة الله وبركاته
اخوي طولي بعمرك اعياد الميلاد بدعه وانا كان لابد منه اشترلك تذكرتين للعمره انت والحرمه مدة 5 ايام في اشرف مكان في الدنيا في رمضان وبتكون احلى هدية ..
انا بقولك …
اشتري عدة هدايا لا تقول عندها وايد وما تبى الحرمة كل شي تحبه وخصوصا انه من اعز الناس الله يديم المحبة بينكم ..خذ غرشة عطر وخذ ساعة وخذ خاتم او قلادة ذهب … وسير محل الورد وخلهم يرتبولك الهدايا داخل باقة الورد ..
وسويلها كيكه اقترح محل مس جي اذا انت من بوظبي والا العين شغلهم راقي وايد ..
وخلها تطلع من الغرفة ورتب الغرفة وحطلها الهدايا والكيكه على طاولة في الغرفة وشمعة بسيطة وتقدر تخبر خواتك يساعدنك ,, صدقني المرأة عندها تشوف انك تعبت وسويت كل هذا اهم من قيمة الهدية
وبالتوفيق
أنا براي تاخذلها دلتين من النووع الفاااخر وفنايين لرمضان والعيد
سبحان الله ناس ماعندها سالفه مايدري شو يشتري لزوجته لو تميت اعزب ابركلك
ولاها ها المواضيع اللي مالها داعي او اسال احد من اهلك مو بتسال في مكان عام اخاف بعد نلاقي ناس بالشوارع يسالون شو يشترون لحريمهم ويخبرون الناس بميلاد زوجاتهم
سبحان الله