السلام عليكم
كالعاده يوم اسير المارينا مول في بوظبي الف كمن لفه ادور باركن قريب يوم اعيز اعطي السياره لخدمة صف السيارات
امس كنت هنااك ويوم عطيتهم السياره وسجل بيانات السياره قالي الهندي تراه السعر زااد من عشر دراهم لين 30 درررررررررررررررررررررررررررررررررررررررهم خيبه
طبعن انا قتله هاات السياراه ماباك تصفهاا
حبيت اخبركم بس وسلامتكم
ياريال يت على 30
في مول الامارات عندنا بـ 50 درهم !
انا كلة ادخل من صوب باب الماركات دوم احصل باركنج هناك .
وشو يعني 20 أو 30 درهم..
تراها تفدا سياراتكم الفارهة..
ما أعتقد واحد فيكم سيارته كيا وإلا كورولا…!!!
تستاهل سياراتكم..
وإلا أنا غلطانه…!!!
هي والله صدقت أخويه..
نفس السالفة بالجمعيات ..
حتى لو العربانه فيها كيس أو كيسين ما يرومون أيشلونه ويفتحون دبة السيارة..
يخلون الهندي العامل بالجمعية يشل عنهم….!!!
يخافون على برستيجهم وكشختهم…!!!
شباب آخر زمن…!!!
ما أعمم…مجرد وجهة نظر…
(أدري ظهرت عن سياق الموضوع..ترا موضوع يجر موضوع)
والسموحة
مادري ليش انتو دايمن اتاكليين !!! في كل شي
يعني ماتقدرون توقفون السياره وتمشون !!
قلنا قبل الصيف وحر .. بس الحين الجو حلو ومناسب للمشي !!
ممكن الواحد يستخدم هالخدمه اذا حد معاه يكون مايقدر يمشي او كبير في السن او من ذوي الاحتياجات الخاصه
صراحه ماشوف لها داعي