اول امس اتصلت لي وحده من غزه ويلست تشتكي حالها
وانها ما عندها بيت وما عندهم اي دخل
ومن هذا الكلام المعروف واللي فيه تفصيل للحاله الانسانيه المترديه
وايد كسرة خاطري وبعدين فكرة يمكن هذيل نصابين
وبعد شوي فكرة يمكن صدق محتاجين وهذا شهر كريم
وبالصدفه وانا داش البيت خبرت امي الله يحفظها بالسالفه وقامت ام احمد وطرشت لهم المقسوم جزاها الله خير
وانا لين الحين مب عارف هل هذيلا نصابين ولا صدق محتاجين
قولوا لي شو وجهة نظركم في السالفه هذي
يزاك الله خير
أهم شي نيتك الطيبة ونية أم احمد ربي يحفظها لك وكل شي بأجره يا خوية
لو كآن الرقم هو خط فلسطين فمن يدري يمكن صدق محتآية يا خوية
ولو كآن من هني فما ادري ان الظن اثم بس يمكن نصابين وجي
الله المستعآن
هالايآم ما تعرف منو الفقير المتعفف من النصآب الجشع
….
خذها مني وانا اخوك
حتى النصاب في غزة محتاج والله اعلم بحالتهم كيف هي هناك
جزاك الله خير والله يقويك على فعل الخير
الكثير منهم يستغل اسم غزه للتسول
ياريال وقفني واحد عنده بي ام دبليو . عند سيتي الشارجه
على طوووووول انا من غزة . وماعندي وماعندي وماعندي
قلتله ياريال سيارتك احسن عن سيارتي
قالي انا من غزه .. قلتله سير موت ياريال . نصاب واحد
كلمة غزه على لسانهم فالتيفون فالشارع فالمنتديات .
ويستغلون غزة فالشحاته .
اعرف ناس مقيمين فالدولة بعمرهم ماشافو غزة ولا فلسطين .
ويوم حرب غزة اول ناس عافدين على الهلال الاحمر !!!