اول امس اتصلت لي وحده من غزه ويلست تشتكي حالها
وانها ما عندها بيت وما عندهم اي دخل
ومن هذا الكلام المعروف واللي فيه تفصيل للحاله الانسانيه المترديه
وايد كسرة خاطري وبعدين فكرة يمكن هذيل نصابين
وبعد شوي فكرة يمكن صدق محتاجين وهذا شهر كريم
وبالصدفه وانا داش البيت خبرت امي الله يحفظها بالسالفه وقامت ام احمد وطرشت لهم المقسوم جزاها الله خير
وانا لين الحين مب عارف هل هذيلا نصابين ولا صدق محتاجين
قولوا لي شو وجهة نظركم في السالفه هذي
من شهر تقريبا يتني في البيت حرمه اتقول انها من فلسطين ومن غزه وراوتني صورتين الصوره الاولى فيها زوجها مع عيالها وفي الصوره الثانيه فيها زوجها واقف على عقازتين وهي معاه وتقول انه عيالها كلهم ماتو تمت هيه وياه وبعدين دققت في الصوره الاولى شفت العيال كلهم تقريبا في نفس العمر قلت ماعليه امبن كل شي وقمت وعطيتها اللي اقدر عليه جااان اتمط بوووزها واطالعني واطالع الفلوس واترد واطالع البيت وتمت على الحال لمدة دقيقه قلتلها شوفيج قالت مابزيديني شوي قلتلها هذا اللي اروم عليه واذا تبين بحطلج رز وطحين وقالت لالا اريدج ازيديني فلوس قلتلها الله يعطيج وقمت عنها اصراحه يوم اذكر كيف كانت اتمط بوزها يمين ويسار
وانا كنت عاطتنها 100درهم عيل لو عطيتها 10دراهم شو بتسوي؟
يـآخوي في ناس في الدوله محتايين خاصه ان بلادنا كل شي فيها غالي
و حتى ما يقدرون يشترون ملابس العيد و يفرحون شرات الباجيين
انا بصراحه افضّل تعطي الجمعيات الخيريه و هم يوصلون الزكاه و الصدقه لمستحقيها ..
و الله يرزقكم ع قد نيتكم ..~
السلام عليكم ورحمة الله وبركاته
وشدراك انه من غزه ممكن تكون الحرمه من الموساد يالسين يشحتون بعد الازمه الماليه
اتغشمر 
انته وام الحمد نيتكم صافيه طال الله في عماركم ودورون الاجر من رب العالمين سو كانت نصابه او محتاجه الكم الاجر ان شاء الله
سو خير وفره بحر وربك مارح ينساك
الله يعلم بالي فالقلوب
واهم شي النية