السلام عليكم يااخواني
اليوم عندي لكم موضوع مهم في انقاص الوزن ومجرب وفعال واللي حاب يجرب ماراح يخسر وبعدين يدعيلي……
اولا يجب عليك شراء ميزان وتوزن عمرك كل يوم الصبح قبل تسبح وبعدين الريوق يكون بدري وبدون اي سكريات وبدون حليب ومشتقاته يعني مثلا عصير برتقال فرش وتوست اسمر والغدا يكون بدري ويكون مسلوق او مشوي وبدون خبز وعيش يعني لاتخلط في الاكل سلطه بس او لحم مسوي او دجاج مشوي او مسلوق وقبل الغدا بنص ساعه اشرب كميه كبيره من الماء
والعشا يكون قبل الساعه 7 ويكون شي خفيف واكثره فواكه ولكم دير بالك من العنب او الموز او المانجا او التمر وبعد اسبوع راح ينقص وزنك من2 الى 4 كيلو في الاسبوع يعني اتبع نظام الاجانب في الاكل الوجبه في وقتها وتكون كميتها قليله وحاول تكون ثلاث وجبات فقط ولاتقرب اي شي فيه سكر او حليب او اي شي تحس انه راح يزيد وزنك …………..جرب وخلك من الادويه اللي طالعين فيهن هالايام جرب وبعد اسبوع خبرني

14 thoughts on “احسن طريقه لانقاص الوزن وببلاش!!!!!!1 دش وجرب”

  1. والله نصيحه حلوه .. اهم شي في الرجيم الرياضه والابتعاد عن العيوش اخر الليل خخخ وتكثرون مشاوي
    ولاتاكلون الا صدر الدياي

  2. انا بديت من يوم الاحد ثاني يوم برمضان لين اليوم نزلت تقريبا 3 كيلو وشوي بخبركم كيف وصدقوني بترتاحون احسن نظام ما اخلي شي بخاطري ما اكله على الفطور فريد +عيش + هريس ابخ بخ لين اشبع مره ما اخلي شي وخاصه القيمات ادمان عقب عاد ايود عمري واشرب ماي بس ولا ايكون لي خاطر اكل شي الساعه 11 يوميا امشي تقريبا 6 كيلو مشي سريع والسحور تفاحتين وماي وشوف الفرق عقب اسبوع وابغي الدعوه الطيبه .

  4. رمضان فرصه ياجماعة الخير للي يبى ينقص وزنه .. استغلو هالشهر الكريم

    عليكم بالرياضه على الاقل مشي نص ساعه قبل اذان المغرب يومياً

  5. حليب السوي ميلك جيد لاصحاب الرجيم وفيه تقريبا نفس خواص حليب البقر العادي بس بدون كرسترول وفيه بروتين .. بس حق الي يبي كالسيوم حليب البقر احسن .. بتحصلونه في المحطات .. اسمه فيتا ميلك

Comments are closed.