السلام عليكم ورحمة الله
أكيد العنوان غريب على البعض
لكني متأكد إنه مر على البعض الآخر
هذي الرسالة وصلتني وللمرة الثانية
المرة الأولى كانت من فترة بعيدة
ويومها اعتقدت إنه مجرد خطأ في الرقم
لكن يوم تكررت السالفة استغربت
ويوم خبرت أصدقائي ، اكتشفت إنه هالمسج وصل لهم أيضاً
صيغة الرسالة هي :
“فطام أحنا طلعنا من البحرين طرشيلي رصيد ضروري _ ريم”
والرقم يبدأ بــ4
الحين أنا ودي أعرف بس …
عمليات نصب … للحصول على رصيد مكالمات !!!
شو اللي يبونه بهالرصيد ؟؟
على ما أذكر انه نفس المسج بس هالمره ريم طالعه من سكن الجامعه و تقول لربيعتها طرشيلي رصيد هذا آخر مسج خلص رصيدي .. بوصل دبي و بتصلج .
و بما أني شفت المسج ثاني يوم طنش قلت في خاطري اكيد ريم وصلت لقواعدها سالمه و حطت رصيد
عقبها سمعت انه كذا واحد من ربعي ياهم نفس المسج !
بعدها بفتره مسج ثاني .. رقم ثاني .. السيناريو مختلف .. لكن ريم موجوده في المسج
* ريم دوم تاخذه دور البطوله و دوم متوهقه بالرصيد و المنقذه فطامي *
عرفت انها طريقه جديده للنصب . رديت بمسج اقول فيه
(( الرجاء البحث عن طريقه جديده للشحاته . الطريقه الحاليه مكشوفه ))
افتكيت .. من يومها ماياني ولا مسج
بس الظاهر الطريقه هاي ماشيه معاهم .. ولا ما بيستمرون عليها لين الحين
الله المستعان
من له حيلة فليحتال
مسج غريب صراحة
شو النيه منه .. يعني هل تبا حد يعطف عليها ويرد يطرشلها رصيد
والا شو بالضبط !
نصب في نصب .. وصلني و طنشته ولا فحياتي عرفت حد بحريني
انا اتصلت فيه ضاربه ياهم هي بنت ومرة مطرشه صورتها