مرحبا صباح الخبر .
. في مواقف كثيرة حرام نستغل فيها وماندري طبعا بحسن نية منا نحنا و لثقتنا في الآخرين … و بعرض لكم مواقف يجب منا التصرف فيها بالشكل الصحيح ..
في المطاعم ,,,
عند دخلوك للمطاعم اقرأ لائحة الاسعار اولا حتى لا تغش في الفاتورة في النهاية و عند طلب الفاتورة تأكد منها لانه بعض المطاعم تزيد في الطلبات و الاسعار عليك انته بس.. لانك مواطن …
في المولات ..
يوم تبا غرض معين يعني مرتفع تقريبا حاول تسأل عن اسعارة في 3 محلات قبل ما تشتري ,,,,
في كارفور و الجمعية .. عود نفسك على قراءة الفاتورة دائما حتى تعرف الاسعار و تتاكد فعلا من مشترياتك ..
اذا اشريت ادوات اللكترونية .. احتفظ بالفواتير للضمان و الاسترجاع ,,,
في مخالفات المرور .. اذا فيه مخالفة رادار شاك فيها . اطلب الصورة الا بـ 10 دراهم .. يمكن تكون مش انته المخالف ..
واهم شي في محلات العطور و الملابس
اخوي اختي الموظفين هناك رواتبهم على النسبة يعني كل ما باع اكثر حصل اكثر اول ما يشوفون مواطنة او مواطن يطيرون وراه و لصقوا فيه و غصب غصب يخلونة يشتري و احيانا تشري شي انه مب محتاجة … لايخدعكم الكلام المعسول
اغلب الموظفين في المحلات حاطين فكرة انه المواطن ما يهتم و بطران و يدفع بدون ما يسأل شوفوا الهندي او الاجنبي او الزلمة يوم يبون يشترون شي يسألون مليون مره .. و ها حقهم …
بها الاشياء تخلون البائع غصبا عنه يحترمكم لانه بيعرف انه المواطن مب مغفل و يعرض يختار الاشياء اللي يباها ولا يشتري شي مب محتاجة ..
في القرية العالمية و خصوصا المطاعم .. تأكد تأكد من قائمة الاسعار و اطلب الفاتورة و اقراها 3 مرات … اتحداكم 90 % فيها غلط …
كل هالامور تحصل في حياتنا اليومية .. و الامور الي اقولكم عنها ما فيها بخل ولا احراج ولا شي مجرد التأكيد و الانتباه لاغير حتى لانستغل من بعض الناس ضعاف النفوس بعدين فلوسنا مب طايحة في الشارع تعبانين عليها ومحاسبين عليها جدام ربنا
مشكوووور اخوي على طرح الموضوع
بغيت اتاكد من شي هل هذا الكلام الي سمعته صح انه في كارفووور يبيعوون للمواطن بسعر والهنوود بسعر ؟؟؟ مع اني قبل ما اشتري السلعه اتاكد من السعر ويوم يبدا الكاشير بالحساب اكوووون مفتحه عيوووني هالكبر وكل صح بس مره كان فيه غلطه في الدجاج
كان في الثلاجه مالت الفرش ومكتووب سعر الدجاج الصدووور 13.5 ولما حسبه المحاسب طلع ب 27.5 قلتله ليش قال هذا سعره قلت له لا سعره في الستيكر 13.5 رووح اتاكد وراح وطلع كلامي صح بس هذا الدجاج محطووووط في المكان الخطاء يا سلام بس على حساب من يعني ننغش؟؟؟
وسلامتكم
ما قصرت اخوي
كلامك عين العقل
والله صادق يا اخوي الفلاسي…
والله يهدي اصحاب السلع التجاري… ما اعرف ليش يزيدون على المواطنين و بالاخص الحريم…
مشكور ياخوي عالطرح الحلو
وأتمنى الفائده للجميع