بسم الله الرحمن الرحيم
حبيت انقل لكم اخر اخبار تويوتا في الامارات وبالاخص في مدينة العين اليوم بعد المغرب رحت الوكاله
طبعن الفطيم قلت في خاطري بسال عن اللكزس الفوريل الفول اوبشن المهم حصلتها ب 375 الف
درهم وقبل اسبوع كانت ب360 بخصم الجيش او الشرطه وبدون خصم ب367 الف درهم طبعن السعر
375 الف درهم بدون اي خصم وخصم الشرطه او الجيش تم توقيفه الى اشعار آخر ومش موجوده
في العين اي سياره من نوع لكزس بيتصلون دبي يتخبرون وبعد ذلك سالت عن الاستيشن ال5.7
ماعندهم غير الوفل ابوشن وبسعر 296 غير قابله للخصم وبعد مافي غير وحده بيضاء داخل المخزن و
وحده بس واللون الجديد في صالة العرض فقط……وبعد ذلك رحت حق البهوان ماحصلت عندهم اي
سيارة من نوع لكزس فور ويل المعرض خالي ولا في المخزن وبتوصلهم السياره بعد 3 اشهور وسالت
عن الاستيشن ال5.7 قالو لي مافي غير بيضا في صالة العرض ونعتقد ان في وحده سودا في مسقط
وفووول اوبشن بس بسعر 280 الف
ورحت حق معرض السعاده وابو الزلم عنده الكزس الوفول اوبشن ب380 وارد الفطيم ووراد البهوان
ب390 وبعد هذي الاسعار اللي اشوفها خياليه بتم على سيارتي لين انشوف وضع السوق كيف
والسموحه على القصور
والله مايندرابهم
سمعنا بعد بيوقفون السيارات لأول السنه
وبيرفعون السعر حبتين
عسب الي صار فاليابان.
والله ما حيد مغمض عيووني يوم بحيد عندي 300 الف وفوووق ما بفكر لا بتيووتا ولا بنيسااان ماشي شغل اعق عليهن
الله المستعان
والله ياخوي اني استغربت من اسعارهم قبل اسبوع ياينه الفطيم بعد الخصم ب 359500 والبهوان ب 360000 والحين طارت اسعارهم شكلي بحول على الاماني ……..تسلم على الرد