طبعا للي يدوخوون ..
طبعا انا مادووخ .. والحمدلله محافظ على صحتي ^_^
طبعا وصلني عن طريق الايميل
……….
التقط بعض الصور
من محل بيع المداويخ في العين اللي في شارع خليفه
واستغربت من الضحك على العقول .
فهل المواطنين فيهم قلة عقل و (بغامه) والا ان التجار يضحكون على عقول الشباب ؟؟؟
فلما سألت الايراني الموجود قلتله منهو بالله عليك يشتري هذي المداويخ ؟؟
قال اكثر شي البنات
قلتله بالله عليك انا اول مره اعرف ان ديور وبوس وبربري يصنعون مداويخ وشدراهم ؟
قال لا هذي قطعة جلد نحن انركبها على المدواخ ونكتب عليها هالماركات
وكم القيمه ان شاء الله ؟؟ قال 250 درهم
في ذمتكم يا اخوان وصلنا للبطره جذا ؟؟؟؟
يعني مدواخ كلها حطبه وغليون في الجبره ينباعن على 15 ربيه لاوبعد من خيرة الحطب (( اليريبي ))
ماقلتلكم بنشبع طماشه في هالزمن
خاطري اعرف من وين يت هالعادة….احيد قبل 5 سنوات ما كانت موجوده.
الله يستر عليهن ويهديهن ويهدين أهاليهن اللي ما ربوهن عدل
حسبنا الله ونعم الوكيل
ههههههههه
شر البليه ما يضحك ..
بس بنات يدوخ مدواخ ؟
ما أصدق أن في بنت مواطنه تدوخ مدواخ ^^
و بخصوص اللي قال أن جهنم تترياهم , على أي أساس تقول جهنم تترياهم ؟
بدل هالجمله قل الله يهديهم ^^
تحياتي
حسبي الله عليهن من بنات صدق ماشي مستحى
اتذكر عفان الله مره سرنا محل عبايا في مركز في جميرا…
وكانت مباراة الامارات ويا سوريا
وبنات ميلسات في الكوفي ويا الشباب والشيشه فادعه لها لغبهااا عطي عنهن ان شا ءالله
هذ كله من الحريه الزايده
عشان مايحطوون عليهم .. ليش احينه اللي يدوخ استوت فظيحة .. وثاني شي انا اصلن الدخااان مادانيية يعورني صدري منه.. ماقول جي بس عشان اسوي عمري …. مايخصني وجي
انا اصلن بالاساس مادوخ
واذا مب مصدق ..
والله العظيم ثم ولله العظيم ثم والله العظيم .. والله على مااقول شهيد
اني مادوخ ولا دخت فحياتي لا سيجاارة ولا مدواااااااااااااااخ ولا شيشة …
بس عشان تكون بصورة …