طبعا للي يدوخوون ..
طبعا انا مادووخ .. والحمدلله محافظ على صحتي ^_^
طبعا وصلني عن طريق الايميل
……….
التقط بعض الصور
من محل بيع المداويخ في العين اللي في شارع خليفه
واستغربت من الضحك على العقول .
فهل المواطنين فيهم قلة عقل و (بغامه) والا ان التجار يضحكون على عقول الشباب ؟؟؟
فلما سألت الايراني الموجود قلتله منهو بالله عليك يشتري هذي المداويخ ؟؟
قال اكثر شي البنات
قلتله بالله عليك انا اول مره اعرف ان ديور وبوس وبربري يصنعون مداويخ وشدراهم ؟
قال لا هذي قطعة جلد نحن انركبها على المدواخ ونكتب عليها هالماركات
وكم القيمه ان شاء الله ؟؟ قال 250 درهم
في ذمتكم يا اخوان وصلنا للبطره جذا ؟؟؟؟
يعني مدواخ كلها حطبه وغليون في الجبره ينباعن على 15 ربيه لاوبعد من خيرة الحطب (( اليريبي ))
ماقلتلكم بنشبع طماشه في هالزمن
تسلم ع الرد
من زمان والبنات تدووووووووخ من سنتين وانا اشوف هل الامراض
وهذا المحل في العين مقصة بس ماعليك الا تدق هرن وبيطهر لك الايراني واطلب دوخة غزال ودوخة سبال مع تنظيف المدواخ ودهنه شوي بماي ورد وزعفران
والامور طيبة
حتى الوافدين قاموا يدوخون واعمارهم تحت 12 سنة
السلام عليكم
اول شىء اشكر اخوي دولار على الموضوع
ثاني شىء .. انا عندي واحد من الربع ما شاء الله عنده كوفي شوب و فيله شيشه .. ( كم مره انصحه يسكره ما يسمعني !! ) على العموم قلتله منو اكثر زيايبنك الي يشيشون .. قالي البنات !! تصدقون !! حسبي الله ونعم الوكيل !!
مب غريبه الي نشوفه بالمداويخ .. والي يدوخ احب اقوله شىء..
1 .. حرام
2 .. تموت نفسك بنفسك .. ولا تحاول تحط اعذار .. يالس تنتحر بس على فتره بعيده !!
3 .. بدال ما تدفع هال كم من درهم يوميا على هالسوالف الغبيه .. سير و تبرع فيها للهلال الأحمر ( اجر + ثواب )
4 .. ما عندك سالفه
لا بعد .. الي يدوخون يأذون الي عدالهم .. كم من مره اتضارب ويا ناس ما عندهم ضمير .. ياخي انت تدوخ طز برايك .. موت ما علي منك .. بس لا تآذينا معاك .. يا ناس خافوا ربكم !!
السموحه من الكل ..
الله يستر بس … مشكور على الصور
الله يحفظهن من كل سوء ويحفظ الشباب كذلك
هذي مغريات الحياة ما تنتهي .. خداع للعقول والجيوب وفلوس الناس في جيوب التجار
الله المستعان تسلم اخويه دورلار اماراتي