نعم انه اخطر تقاطع في ابوظبي هذي الايام
انه تقاطع جسر المفرق الجديد
وهو من اقدم الجسور بابوظبي والان بيصبح اضخم جسر في ابوظبي
ولاكن الغلط اكيد يامن المرور او من شركة الجابر منفذة المشروع
الحوادث كل يوم على مدخل التقاطع والسبب
مدخل التقاطع الانحناء خطير جدا وانته قادم من بوظبي متجه للعين
تلف يسار بشكل رهيب
الظاهر الشركه حبت تختصر كمية القار وبذالك تخف التكاليف على حساب الناس
ياخي انا دخلت بسرعة 100 كم وحسيت ان انحنا السياره بسرعة 160 كم
يعني كأنك داخل لفت فريج
وهذا شارع هايويه يعن اقل واحد يمشي 120 كم
الصراحه لو تركزون على القار بتشوفون العجب العجاب من مشاوح السيارات
وفي اليوم الواحد مايقل عن 3 حوادث خطيره تستوي على هذا التقاطع القاتل
وين المرور يوم خططت الشركه الشارع
وهل بينسكت عن هذا الانحناء الخطير جداجدا
اللي بيكون لمدة كم سنه
اتمنى من مرور بوظبي التدخل بسرع وقت ممكن
ولو اني ادري ان الحل بيكون المطبات
بس لو صدق حطو مطبات بتكون قمة المهزله
الواحد يوم يشوف تقاطعات دبي يسكت
ارواح الناس مب لعبه ويجب على الشركه مراجعة مخطط التحويله
ودمتم
صدق كلامك مايزعل اله يحفز الوطنيين
وقولك الجسر في دبي 4 شهور وبوظبي 6 سنوات واقع ونشوفه بالعين المجرده
وشوفك وايد شال عليهم مثلي
اتحرى اله انا
صدق شي يزعل
بس هذا التقاطع غير صدق غير والله يعين
وتسلم
كل عام وانت بخير .. يداوم ساعة ونص .. ما شاء الله شغال ويانا الأخ .؟
السلام عليكم ورحمة الله وبركاته
اول شىء ابارك لكم قرب قدوم عشر الأواخر من رمضان .. و عقبها العيد ..وكل عام وانتم بألف خير
ثاني شىء .. بصفتي مهندس طرق و جسر وتحديدا في بلدية ابوظبي حبيت ارد على الموضوع لتكون المصداقية من بينا وبين الجميع .. و اتمنى منكم تفهم كل شىء
الأخ الفاضل .. نظرة المهندس غير نظره اي شخص ممكن يكون محله .. ( من سائق , دكتور , طيار , اي شىء ) عندنا اولويات و صدقوني ما سوينا شىء لنخربه اكثر مما ودنا نصلحه .. ليل نهار و نحن في بحوث و اجتماعات ,,, اتفق معاك ان اللفه صعبه شيئا ما لكن لنأتي الى احداثيات الموقع و العوامل المحيطة بها
ما بتصدقون ان يوم نيي ندرس مشروع و نحاول الدخول فيه اول شىء عندنا و ( نضع ميزانية كبيره لنا وهي الطرق البديلة ) و صدقوني ان اول ما يهمنا هم انتوا يا مستخدمين الطرق .. على العموم صعب علي شرح والدخول في تفاصيل المشروع بس سوينا curve و ميلان على اقدر شىء نقدر .. اكثر من شي ما نقدر لا تنسى الجزء الي في الشارع العام سابقا بينهدم يعني لازم نكون بعيدين منه + safe factor
اخوي ما بقول اننا نحن اسوء او افضل من دبي وباقي الأمارات .. لكن اذكر جيدا .. السنة الماضية و تحديدا في فصل الشتاء .. و المطر الشديد الي نزل ( الله يزيده ) .. طرق بعض المدن والأمارات الأخرى تقفلت و ناس سياراتهم غرقوا و حوادث غرق كثيره ,, لكن في بوظبي ولله الحمد ولا شارع انغرف .. ولا شارع سكرناه .. ولله الحمد .. ومع الأيام بتصدقون ان همنا الأول هو مستخدم الطريق من ناحية الأمان و الراحة.
المشكلة مب في الكيرف .. المشكلة في مستخدمي الطريق .. ريلهم على البترول ثقيله .. يا اخوان هذه تحويله وماشىء ( emergency lane ) الي يسمونه طرف الطريق وهو الجزء الزائد في اليمين والشمال مب موجود + تصغير في مساحة الين من 3.65 الى الأقل .
على العموم اتمنى اني فدكم واسمحولي على المغثة ..بس كان خاطري اشرح لكم متاعبنا .. و الظروف الي نمر منها
للمعلومة .. ميزانية الطرق والجسر في امارة ابوظبي مليار دولار سنويا .. و لله الحمد كل طريق افضل من الثاني والكل يشهد لنا من تنفيذ الى صيانة .. طرق او جسر .. او انفاق
اخوكم الصغير
طبعا في ورقة الحادث يكتبون سبب الحادث “السرعه الزائده” و “عدم الإنتباه”.
شو تبونهم يكتبوب، سوء تخطيط من الدوائر المختصه.
أنا مريت عليه مره، و إن شاء الله ما بمر عليه مره ثانيه.
صح اخطر تقاطع