نعم انه اخطر تقاطع في ابوظبي هذي الايام
انه تقاطع جسر المفرق الجديد
وهو من اقدم الجسور بابوظبي والان بيصبح اضخم جسر في ابوظبي
ولاكن الغلط اكيد يامن المرور او من شركة الجابر منفذة المشروع
الحوادث كل يوم على مدخل التقاطع والسبب
مدخل التقاطع الانحناء خطير جدا وانته قادم من بوظبي متجه للعين
تلف يسار بشكل رهيب
الظاهر الشركه حبت تختصر كمية القار وبذالك تخف التكاليف على حساب الناس
ياخي انا دخلت بسرعة 100 كم وحسيت ان انحنا السياره بسرعة 160 كم
يعني كأنك داخل لفت فريج
وهذا شارع هايويه يعن اقل واحد يمشي 120 كم
الصراحه لو تركزون على القار بتشوفون العجب العجاب من مشاوح السيارات
وفي اليوم الواحد مايقل عن 3 حوادث خطيره تستوي على هذا التقاطع القاتل
وين المرور يوم خططت الشركه الشارع
وهل بينسكت عن هذا الانحناء الخطير جداجدا
اللي بيكون لمدة كم سنه
اتمنى من مرور بوظبي التدخل بسرع وقت ممكن
ولو اني ادري ان الحل بيكون المطبات
بس لو صدق حطو مطبات بتكون قمة المهزله
الواحد يوم يشوف تقاطعات دبي يسكت
ارواح الناس مب لعبه ويجب على الشركه مراجعة مخطط التحويله
ودمتم
ما كذبت والله
وانا كم مرة قلت للشباب ها اللفة فيها شي مب اوكي
وكلام المهندس على عينا وراسنا
وادام الله عزج با يوظبي
اخوية معاك حق اللفة حق الي يمشي 80 بس
بس انا كمهندس او كمسؤول هذا الشارع لازم اعرف ان في ناس ما تعرف هذا المنحى الا بعد مرور سنة
لازم اخلي امان حتى للي يمشي 160 140 هب اذا واحد سوى حادث قالولة انت غلطان لانك كنت تمشي 85
انا اقول لو تقدمون بداية المنحى الاى الامام باتجاة داخل ابوظبي زين
و بعدين
علوم جسر الشيخ زايد
زين حصلنا واحد من مهندسن الطرف
نسولف وياة
والله الله
عقبال 500.000 الف مهندس اماراتي في الدولة
اخوي مهندس البلدية جسر الشيخ زايد متى بيخلص صارلة اكثر من 4 سنوات يشتغلون .
بس بصراحة مشاريع بوظبي تتاخر كثيرا واكبر
دليل شارع شاطي الراحة و تقاطع طريق سويحان
اخي الكريم .. رايك يهمنا و نحترم وجهة نظرك
اول شىء بخصوص الميزانية اخوي هذه تخص ( تنفيذ المشاريع + صيانية المشاريع )
يعني جسر المفرق تكلفته حدود المليار درهم .. لا تنسى عندنا جسر الشيخ زايد الي تكلفته حدود مليار ايضا .. غير انفاق وتطوير شارع السلام وصيانة جميع الطرق والأنفاق على العموم لا انا ولا انت نقدر نتكلم عن موضوع المبالغ
على موضوع التحويلة اخي الكريم ..
عندنا طريقة عمل معينة .. و فكرتك اكيد تم طرحها بس اخي الكريم المنطقة لا تسمح لان شىء طريق قادم و ذاهب من العين, ةغيرها من الأمور يا اخي العزيز
اللفه شيئا ما زاويتها شديده بس تم تحديد السرعه وهي 80 كيلو .. الحين خلنا نكون واقعيين .. حد دخل اللفه بهذه السرعه ؟ يا اخوان مفروض كلنا نكون يد وحده .. نساهم في تطور بلدنا الغالي و نحرص على سلامة الجميع خفوا على اللفه وان شاء الله ما بتحسون فيها
على العموم اشكرك على الموضوع المهم .. وان شاء الله يصير خير .. و هذه المرحلة الأولى من المشروع فقط يوجد مرحلتين غيرها + نحن حاطين سرعه معينه وهي 80 كيلو تخيلوا ناس تمشي 140 و 160 …؟
اترك لكم التعليق
ودي .. من الكل بصراحة .. دخول اللفه بسرعه 80 والرد علينا
والسموحة
تسلم اخي الكريم
وكلامك ماعليه غبار
وشاكرين مجهودكم الجبار
بس
انته تقول ان الميزانيه السنويه مليار دولار يعني اليد مفتوحه
ليش يامهندسين ماخليتو بداية التحويله من بعد شيشة محاوي
وشليتو غابة الغزلان القديمه اللي الان مافيها غير اصبخه وشير لايسمن ولا يغني من جوع
كانت بتكون التحويله ولا اروع ومابيحس مستخدم الطريق غير بنسيابيته
طبعا بتقول التكاليف وغيره وهذا مب عذر اخي الفاضل
وبعدين منو ماسؤل عن ميزانيتة القار ومنو له مصلحه ان القار ماياخذ امتار زياده مما يعني خسارت الملااايين
مب الشركه صاحبة المشروع
لو كانت بيوت وفنادق مزاحمه المشروع كان العذر مقبول بس الدنيا سيح من صوب الينوب الغربي
انزين شوه الحل لين كم سنه
انته تقول الانحناء خطير نوعن ماء
وانا اقول خطير جدا جدا جدا
وهذي حي الحقيقه
ويامرحبابك اخي الكريم