اخواني وخواتي عندي فيلا جديدة وابا اعرف انواع الصبغ الحلوة الي تنغسل وبنفس الوقت مرتبة انا قالوا لي في اصباغ جوتن وعندي الألوان بس المشكلة اني ما اعرف اي نوع اختار مثلا في مائي وسمعت انه في مائي يحطون عليه طبقة من الشمع عشان يكون سهل التنظيف
وقولوا لي شو احط حق الميلس مال الرياييل وميلس الحريم وشو رايكم في ورق الجدران وكيف اعرف النوعية الحلو اذا ابا اركب
وابا بعد الارضيات غير الموكيت لانه اخواني فيهم ربو ابا شي حلو وراقي بس في النفس الوقت مب مكلف ممكن تدلوني الله يخليكم بسرعة عشان انا ها الموضوع وايد ماخذ من وقتي ومب قادة اركز على شغلي
وتسلمون يارب
وشكرا
أخوي الدرمكي مشكور على الرد والله انك ما قصرت بس عندي استفسار شو هو الصبغة الرخامية وين اقدر احصله وكم سعره . واذا عندك فكره عن اصباغ جوتن قولي لو سمحت ومشكور مره ثانية والله ما قصرت
السلام عليكم
مشاء الله الاخوان ما قصرو وانشاء الله ما بيقصرون لا وياك ولا ويا غيرك
وعن الصبغ انا انصحك تستغنا عنه واتحط حجر اردني ممتاز جدا لا يتغير لونه ولا يتاثر بالماء ولا يتشقق وشكله واااااااايد حلو ويعطي البيت فخامه
اما عن ارضيت الغرف مثل ما قلت الخشب الي هو (الباركيه ) انا عندي في الغرفه ممتاز جدا وراقي
بس حاسب من الصغاريه لانه اذا يا عليه ماء وتم فتره ما انمسح يتنفخ مكان الماء
وانشاء الله ايكون بيت الخير عليك ويعطيك خيره ويكفيك شره يا خويه
اخوك : احمد
اخوي اسير زعبيل
بخصوص الاثاث المنزلي اذ تباها نصيحة اخوي ولا راح تندم عليها
اذ عدد الغرف كثير وقطع الاثاث المحتاج لها كذير
بنصحك انك تسافر ولا شي غير السفر
مصر مش بعيده تراها وعندهم مدينه كامله متخصصه بالاثاث اسمها دمياط موبيليا عندهم من افضل انواع الموبيليات على مستوى العالم
انا ان شاءالله الصيف مسافر عشان اييب اثاث من هناك
وبالتوفيق يا اخوي بس بعد كل ما كان عندك حد من مصر تثق فيه كل ما كان احسن بخصوص الاسعار لاهل مصر ارخص من الناس اللي من خارج مصر
بالتوفيق لك يا اخوي
السلام عليكم اخوي اسير زعبيل
قبل كل شي بالبركه ويعله بيت عامر ان شاءالله
وماعندي شي كثير ازيده على الاخوان لي سبقوني
بالنسبه لصبغ الجدران انا انصحك بالصبغه الرخاميه هذي تراها احلى واكشخ كثير عن باقي الالوان
وبخصوص اخوانك اذ عندهم ربوا عليك بالجرانيت ولا الرخام يا اخوي مع اني انصحك بالجرانيت اقل تكلفه وحلو تراه
واذ تحب مساعده يا اخوي على الجرانيت عندنا مصنع للرخام والجرانيت تقدر تشوف في باقي المصانع جرانيت و رخام خذ اسعارهم واسماء الانواع وتقدر ترسلي على الخاص واذ موجود عندنا بسعر ارخص تراه فالك طيب وابشر بالعون والله واذ مش متوفر تراه بعتذر منك هذا اذ لك رغبه طبعا
تقبل سلامي اخوك الدرمكي
اصباغ اللولو 3970736 4