اخواني واخواتي عندي فيلا وابا اصبغها فساعدوني الله يخليكم

14 thoughts on “اخواني واخواتي عندي فيلا وابا اصبغها فساعدوني الله يخليكم”

1. السلام عليكم سلفر والله انك جولد مب سلفر والله كفيت ووفيت صراحة ريحتني لاني كنت افكر في الميزانية بعد لانه البيت ما شاء الله كبير خمس غرف وصالة وغرفة طعام وميلس ومدخل انا الحين بتصل بجوتن وبسألهم عن الأصباغ الي ذكرتها والله مشكور ويزاك الله الف خير

2. مرحبا

   1- بخصوص الصبغ الخارجي انصحك بالايبوكسي السبب (قوي +يحتوي على نسبة من مواد عازلة +السعر ممتاز+متوفر عدة اللوان) ممكن تحصله عند جوتن او ناشينال او الخليج , تقريبا سعر المتر مربع بين 14 الى 16 تقريبا , اما بخصوص اللون ممكن تصبغه بني غامج عالارشات والبلكونات الخارجيه اللي بارزة فقط والباجي بني فاتح ,اذا انت من بوظبي سير وشوف مسجد بلال بن رباح في النادي السياحي وشوف شقيال الصبغ.

   2- بخصوص الاصباغ الداخليه انصحك بصبغ بالفلوماستيك( الجوتن فقط) شرط ان التنفيذ يكون من طرفهم ,ماعليك من الالوان الرخاميه وغيرها اللي تبشع المنظر وتشد الاعصاب ,لاحظ اكثر الفنادق الفخمة تتجه الى صبغ الفلوماستيك يعني لازخرفة ولاهم يحزنون ,الابداع يكون باختيار اللون المناسب مع الاثاث , التكلفة تقريبا 18 الى 20 درهم للمتر المربع.

   3- الارضيات ,طبعا الكثير نصحوك بالجرانيت لسبب انه ارخص من الرخام ,حبيت اصحح معلوماتكم ان الجرانييت اغلى عن الرخام واللي تقصدونه مب جرانييت اسمه (سراميك جرانييتي) سعر الرخام يبتدا من 90 الى 180 او اكثر اما سعر الجرانييت يبتدا ن 140 الى 250 او اكثر اما السراميك الجرانيتي سعره من 35 الى 85 تقريبا ,, لكن نصيحتي لك يوجد الان فالسوق سراميك صيني قياسه مثل الرخام والجرانييت يعني قصته نفس الرخام والجرانييت 30*60 ونفس السماكة 2سم وباشكال متنوعه ,تدري ليش نصحتك فيه اول شي اذا فرضنا عندك غرفة 5*5 متر يعني انت نحتاي حق هالغرفة 25 متر مربع لو خذيت السراميك الجرانيتي ب 55 مثلا للمتر 25 * 55 = 1375
   لكن السراميك الصيني سعره 18 او 17 25 * 18 =450
   شوف كم غرفة وصاله وعندك يعني انت موفر اكثر عن 65% بعدين ماعليك من اللي يقولك ان السراميك الصيني مب شي ويتأثر من الماي ,لانك انت مابترش الماي فالغرف بتخليه يوم او يومين اللي اعرفة ان السراميك ينمسح , اما بخصوص شكله انت مب خسران شي شوفه وقرر .

   والسموحة .

3. السلام عليكم

   مشاء الله الاخوان ما قصرو وانشاء الله ما بيقصرون لا وياك ولا ويا غيرك

   وعن الصبغ انا انصحك تستغنا عنه واتحط حجر اردني ممتاز جدا لا يتغير لونه ولا يتاثر بالماء ولا يتشقق وشكله واااااااايد حلو ويعطي البيت فخامه

   اما عن ارضيت الغرف مثل ما قلت الخشب الي هو (الباركيه ) انا عندي في الغرفه ممتاز جدا وراقي
   بس حاسب من الصغاريه لانه اذا يا عليه ماء وتم فتره ما انمسح يتنفخ مكان الماء

   وانشاء الله ايكون بيت الخير عليك ويعطيك خيره ويكفيك شره يا خويه

   اخوك : احمد

   اهلا اخوي احمد مشكور وما قصرت ويزاك الله الف خير بس حبيت اسأل سؤال وين ممكن ألأقي ارضيات الي مثل الباركيه ممكن تقولي اسماء محلات واذا اسعارهم كم

4. محلات اثاث اذا تحب الخشب الجديم عندك محل مارين فصحارى
   وعندك الحذيفه في دبي اسعارهم حلوه مناسبه وعندهم تشكيله واسعه
   وعندك حول الامارات اسعارهم حلوه واشوفهم اتطوروا قاموا اييبون تشكيلات حلوه
   اذا تبا شي راقي ويكلف شي وشويات بس فخم عندك المفروشات المركزيه على شارع المطار بس بصراحه اسعارهم غاليه يعني في غرف عباره عن شبريه وتسريحه تبتدي اسعارها من 37 لين 90 بدون الكبت
   انا بصراحه لفيت ولفيت ورديت عليهم لان اثاثهم مميز ما بتحصل نفسه فاي محل ثاني بس ما يسوى سعره بشهادة كل اللي شافوا غرفة نومي بس ما يمنع تلقي نظره

   شكرا اختي إماراتية والله انج ما قصرتي ويزاج الله الف خير عندي سؤال بالنسبة للميلس شو احط في الارضية وشو اصبغ الجدران ؟؟؟

   ومشكورة اختي

Comments are closed.